Futbolda yangi qoidalar ishga tushmoqda!

Unga ko'ra, ushbu yozdan etiboran darvozabon qo'lidagi to'pni 8 soniyadan ko'proq ushlab tursa bosh hakam tomonidan burchak zarbasi belgilanadi. IFAB bu borada ko'plab tajribalar o'tkazgan va yangi qoidaga qatiy amal qilish hulosasiga kelgan. Bosh hakam qo'lini ko'targan holda 5 soniya sanaydi. Sanoq esa qachonki darvozabon to'pni to'laqonli nazoratiga olganidan keyin boshlanadi. Bunda darvozabon qanday holatda ekanligi inobatga olinmaydi.

Burchak zarbasi esa darvozabon qoidani buzgan nuqtasiga yaqin bo'lgan burchakdan amalga oshiriladi. Qachonki bu qoidabuzarlik yana davom etsa darvozabon sariq kartochka bilan jazolanadi.

Shuningdek, yangi mavsumdan etiboran yana bir qancha qoidalar kuchga kiradi:

- endilikda faqatgina jamoa sardorlari bosh hakam bilan suhbatlashishlari mumkin.

- agarda o'yin to'xatilsa-yu, to'p jarima maydonchasi ichida bo'lsa, to'p himoyalanayotgan tomon darvozaboniga beriladi. Agarda to'p jarima maydonchasi tashqarisida bo'lsa, o'yin to'xtatilguniga qadar to'p qaysi jamoada bo'lsa, o'sha tomonga beriladi. Agarda bosh hakam buni aniqlashga qiynalsa, to'p so'nggi bora tekkan jamoaga beriladi.

- agarda murabbiylar shtabi azosi, zaxiradagi futbolchi, almashtirilgan futbolchi, chetatilgan futbolchi yoki vaqtincha maydondan tashqarida bo'lib turgan o'yindagi futbolchi maydondan deyarli chiqib ketayotgan to'pga tegib ketsa yoki atayin tegsa, o'sha jamoa zarariga erkin zarba beriladi. Bazida mag'lub bo'layotgan jamoa azolari to'pni tezroq o'yinga kiritish uchun to'pni olib berishga harakat qilishadi. Bunday holatda ham o'sha jamoa zarariga erkin zarba amalga oshirilishi mumkin, biroq bu holatga kartochkalar ko'rsatilmaydi.

- darvozabon to'pni qo'li bilan otib bergandagi offsaydni aniqlashda to'pga oxirgi marta kontakt bo'lgan paytdagi nuqta inobatga olinadi. Shunday holatda offsaydni aniqlash yanada osonlashadi.

Endi turnir tashkilotchilari hakamlarga VAR yoki uzoq vaqtli videotekshiruvlardan keyin chiqariladigan qarorlarni muxlislarga ovoz chiqargan holatda elon qilishlarini talab qila olishadi.