Futbol muxlislari diqqatiga! Terma jamoamizga yordam berishni istaysizmi?

Ha, O'zbekiston terma jamoasi o'tgan turda Saudiya Arabistoniga yutqazib qo'ydi, so'nggi daqiqalarda ikkita gol o'tkazib alamli tarzda 3 ochkoni qo'ldan boy berdi. To'g'ri ammo tan olish kerak o'sha bahsda terma jamoamiz yomon o'ynamadi, so'nggi daqiqalardagi omadsizlik va raqib futbolchilarining individual mahorati evaziga imkoniyat boy berildi. Keyingi bosqichga chiqish uchun imkoniyatimiz bor va undan foydalanishimiz kerak. Barcha futbolchilarning, murabbiylarning maqsadi shu. 

Kecha Falastin bosh murabbiyi Nuriddin Ould Ali o'yinoldi matbuot anjumani yakunlangach xonadan chiqqach jurnalistlardan "Ertaga stadion to'ladimi?" deb so'radi. Bunga javoban katta ehtimol bilan bunday bo'lmasligi aytildi. SHunda raqib bosh murabbiyi juda ham xursand bo'lib ketdi va bizga qancha kam muxlis kelsa shuncha yaxshi deb qo'ydi. 

Qadrli futbol muxlislari! Bilamiz Saudiya Arabistonidan uchralgan mag'lubiyatdan xafasiz, to'g'ri terma jamoamiz juda muhim o'yinni boy berib qo'ydi. Ammo bugun ham ochko yo'qotilsa juda ham qimmatga tushadi. SHunday ekan Falastinni o'z maydonida o'ynagandek o'ynamasligi uchun stadionga keling va terma jamoamizni qo'llab quvvatlang! Vatanimiz ham, terma jamoamiz ham bitta! 

Iltimos bu xabarni do'stlaringizga ham yuboring, "Paxtakor" stadionida qanchalik ko'p muxlis bo'lsa Falastinga shuncha qiyin bo'ladi. Stadionga keling va g'alabaga o'z xissangizni qo'shing! 

Ayni paytda uchrashuv chiptalari savdosi iticket.uz saytida, shahar bo'ylab o'rnatilgan maxsus kassa-shaxobchalari hamda “Paxtakor” stadioni kassalarida davom etmoqda.  

Futbol muxlislaridan chipta harid qilishda etiborli bo'lishlarini so'rab qolamiz. CHiptalarni faqatgina iticket.uz rasmiy kassalari, “Paxtakor” stadioni kassalarida va internet orqali harid qiling, qalbaki chiptalardan extiyot bo'ling! Batafsil malumotlar iticket.uz saytida.

Narzulla Saydullaev