Fotomaqola: Omad sizga yigitlar!

Terma jamoaning bu galgi mashg'uloti odatdagidek soat 18:00da emas, balki 17:00da boshlandi. Sababi, kechasi terma jamoa Pxenyanga uchib ketishi ko'zda tutilgan edi.

Mirjalol Qosimov kechagi mashg'ulotda asosiy urg'uni to'p bilan ishlashga qaratdi. Futbolchilar markazdan kombinaciya uyushtirib, jarima maydonchasiga kirib darvozaga zarba berishni mashq qilishni. Keyin qanotlardan oshirib berilgan to'pni darvozaga yo'llash, vaziyatlardan unumli foydalanish ustida qattiq ish olib borildi.

Mashg'ulotlarda asosan Igor Sergeev, Bahodir Nasimov, Odil Ahmedov, Sardor Rashidov, SHohruh Gadoev, Ikrom Aliboev. Aziz Haydarov, Sanjar Tursunov, Sanjar SHoahmedov, Jasur Hasanov, Fozil Musaev darvozaga zarba berishni mashq qilishdi. Bu borada futbolchilarga Mirjalol Qosimov hamda SHuhrat Maqsudov boshchilik qilishdi.

Himoya chizig'i vakillari bilan esa Baxtiyot Ashurmatov hamda Aleksandr Volkov narigi darvoza oldida shug'ullanishdi.

Eldor Suyunov, Ignatiy Nesterov va Akbar To'raev bilan darvozabonlar murabbiyi Abdusattor Rahimov ishladi.

Keyinchalik futbolchilar ikki guruhga bo'lingan holda maydonning ikkinchi qismida futbol o'ynashdi. "Sariqlar" jamoasining darvozasini Ignatiy Nesterov qo'riqlagan bo'lsa, "Qizillar"da Eldor Suyunov va Akbar To'raev o'zaro almashib turishdi.

Yigitlarning barchasi ko'tarinki kayfiyatda mashg'ulotlarda ishtirok etishdi. Barchaning yuzida tabassum. Diqqat-etibor KXDRga qarshi bo'ladigan o'yinga qaratilgan. Ilk qadamni g'alaba bilan bosish juda muhimligini barcha birdek tushunib turibdi.

Mashg'ulotlar yakuniga etgach terma jamoa azolari mehmonxonaga yo'l olishdi va u erdan kechki ovqatni tanovul qilib, kecha tunda delegaciya Pxenyan tomon parvoz qildi. 

Sanjar Tursunov voleybolcha uslubda to'pga zarba bermoqchi

Mirjalol Qosimov bugungi mashg'ulot qay tartibda o'tishi va qaysi futbolchilar manejka kiyishlarini o'qimoqda

Akbar To'raev to'pni quvib etmoqchi

Ahmedov & Nesterov dueli

  Endi esa Ahmedov & Suyunov qarama-qarshiligi

Mirjalol Qosimov o'z uslubida to'pni darvozaga yo'llamoqda va futbolchilarga namuna bo'lmoqda

Hujumdagi asosiy "snayperimiz" Igor Sergeev mashg'ulotlarda ham o'yindagidek birdek harakat qiladi

Mahallaning eng oldi kishilari kechagi mashg'ulotni ham martabali mehmonlar uchun ajratilgan maxsus sektordan turib tomosha qilishmoqda

   Akbar To'raev Nesterov turgan darvozani "o'qqa" tutmoqda

- Suyunov: Odil aka, eshittizmi, SHoh KXDRga uchta gol uraman deyaptikan

- Ahmedov: Yo'g'e, yaxshi bo'lardi, ursin-ursin...

- Hasanov: Vitya, nima deyapti ular?

- Denisov: SHoh boru, Gadoev. O'sha KXDR bilan o'yinda xet-trik qayd etaman degan ekan. SHuni gapirishyapti...

- Hasanov: Qo'ysangchi...

Ertangi o'yinda Vatanimizning bosh jamoasiga omad yor bo'lishini tilab qolamiz! Futbolchilarimiz mashg'ulotlarda ancha ter to'kishdi va endi mehnatning samarasini amalda yuzaga chiqarish kerak.

Biz sizlarga ishonamiz! Pxenyandagi safardan cho'ntakda uch ochko bilan qaytish nasib etsin! Olg'a!

To'liq fotogalereyani quyida tomosha qilishinigiz mumkin.

SHahboz Beg'amov