Fotomaqola. "Ardus" O'zbekiston kubogi sohibi

Qiziqarli o'tgan qarama-qarshilikda "Ardus" 3:2 hsobida g'alaba qozondi. Quyida ushbu uchrashuvdan fotomaqolani etiboringizga havola etamiz.

Jamoalar parketga tushib kelishmoqda.

Artur Yunusov navbatdagi to'qnashuvdan keyin.

"Ardus" mana shu jarimani chiroyli kombinaciyaga aylantirgan holda hisobni ochdi.

"Ardus"ning yosh o'yinchilari golni nishonlamoqdalar.

Abdurahmon Fozilov raqsga tushmoqda, bu holatni butun o'yin davomida kuzatish mumkin edi.

Jamoliddin SHaripov hisobni tenglashtirmoqda.

Seviklilarini qo'llab turish uchun Olmaliqdan Toshkentga kelgan ishqibozlar.

"Ardus"ning dastlabki ikki goli mualliflari - Davron Abdurahmonov (chapda) va Alan Aminov (o'ngda).

Uchrashuvni Oliy ligada mart oyining eng yaxshi murabbiyi, futbol bo'yicha "Olmaliq" klubi boshqarib kelayotgan Igor SHkvirin ham bevosita kuzatib bordi.

Final bahsining eng yaxshi o'yinchisi deb topilgan Nikolay Kravchenko shu kuni jamoasini ko'plab gollardan qutqarib qoldi.

Davron CHoriev bo'sh qolgan raqib darvozasini o'z jarima maydonchasi tomondan turib aniq nishonga oldi.

Konstantin Sviridov so'nggi 5 daqiqada o'ynovchi darvozabon rolida harakat qildi. U urgan gol jamoasini mag'lubiyatdan saqlab qola olmadi.

"Ardus"ning finalga qadar etib kelishida katta hissa qo'shgan jamoa sardori SHahzod Bo'riev shu kuni o'yinni tribunada kuzatdi. Uning oyog'i gipslangan.

Bu yigitlar kubokni qo'lga kiritish uchun ancha ter to'kdilar.

O'yindan keyingi kulminacion nuqta "Ardus" o'yinchilari kubokni ko'tarib jamoaning asosiy sardori, jarohati tufayli finalda o'ynay olmagan SHahzod Bo'rievning oldiga borishdi va kubokni unga topshirishdi.

Bu suratni tez orada ijtimoiy tarmoqlarda ko'rib qolishingiz ham mumkin :)

Kubokni yutgan o'yinchilar istagancha hursandchilik qilishlari mumkin.

Mavsumdagi eng yaxshi o'yinlardan birini namoyish etib berganliklar uchun har ikkala jamoaga ham minnatdorchilik bildiramiz.

Tolibjon Qosimov