Filippin murabbiyi jamoasi Osiyoning kuchli termalariga qarshi munosib o'ynay olishini takidladi

Bu haqida "Metro Manila"ga asoslanib, "CNN Philippines" xabar bermoqda.

Filippin terma jamoasi byuilan ikkinchi yil ish olib borayotgan mutaxassis Jahon chempionati saralashida munosib ishtirok etish uchun eng to'g'ri tarkibni nihoyat aniqlab olganini malum qildi.

Yordamchisi Dan Palami bilan birga Duley jamoaga bir necha yangi futbolchilarni jalb etdi. Ular: Lyuk Vudland, Stefan Palla, Kevin Ingreso va Muso Bahadoran. Ularning hammasi iyun oyida bo'lgan Baxrayn va Yaman terma jamoalariga qarshi o'yinlarda ishtirok etdi.

"Bizda har bir nuqta noyob futbolchilardan iborat ajoyib terma jamoa mavjud. Ularning idividual mahoratlari yuqori darajada", - deya o'z shogirdlariga yuqori baho bermoqda 1998 yili Franciyada bo'lib o'tgan Jahon chempionatida AQSH terma jamoasiga sardorlik qilgan Duley.

"Men futbolchilarimdan 90 daqiqa davomida o'z imkoniyatlarini yuz foiz ishga solishlarini va jamoa manfaatlarini doim ustun qo'yishlarini talab qilaman", - deya qo'shimcha qildi Duley. "So'nggi ikki o'yin muvafaqiyatga erishish uchun bizga kerak bo'lgan jamoani shakllantira olganimizni ko'rsatib berdi".

Eslatib o'tamiz, O'zbekiston milliy terma jamoasi 8 sentyabr kuni Filippinga qarshi safarda maydonga tushadi. Unga qadar esa 3 sentyabrda Toshkentda Yaman terma jamoasini qabul qiladi.