Filip Ivanovich: "Butun etiborimni "Navbahor" ishtirokidagi o'yinlarga qaratganman. Boshqa erga ketishni xayolimga ham keltirmayman"

SHu bois, Ozarbayjonning azerisport.com muxbiri Yusif Aliev Filip Ivanovichdan intervyu oldi. Quyida mazkur suhbatning "Navbahor" hamda yurtimiz futboliga oid qismlarini etiboringizga havola etamiz.

- Filip, avvalo, sizni jamoangiz Osiyo CHempionlar Ligasi 1/8 finaliga chiqqani bilan tabriklaymiz. O'zbekistondagi faoliyatingiz yaxshi kechayotganga o'xshaydi...

- Tabrik uchun rahmat. Ha, hammasi yaxshi kechmoqda. Biz muvaffaqiyatga erishish, bizga bildirilgan ishonchni oqlashga harakat qilamiz. Garchi guruhimiz ancha kuchli bo'lsa-da, keyingi bosqichga yo'l olishga muvaffaq bo'ldik.

- "Navbahor"ning guruhidan Neymar va Aleksandr Mitrovich singari futbolchilarga ega Saudiya Arabistonining "Al Hilol" jamoasi ham joy olgandi. Bunday taniqli futbolchilarga qarshi o'ynash qanday bo'ldi?

- Menga CHempionlar Ligasida shunday futbolchilarga qarshi o'ynash ham zavq, ham katta tajriba berdi. Biz juda yaxshi jamoa ekanligimizni namoyish etdik. Safarda "Al Hilol"ga qarshi kechgan bahsda g'alaba qozonishga juda yaqin turgandik. Biroq raqib oxirgi daqiqalarda hisobni tenglashtirdi. Boshqa uchrashuvlarda ham yaxshi o'yin ko'rsatdik. Natijada peshqadam "Al-Hilol"dan bor-yo'g'i 3 ochko ortda qolib, guruhdan chiqdik.

Pley-off bosqichida Karim Benzema, N`Golo Kante va Fabino to'p tepadigan Saudiya Arabistonining "Al Ittihod" klubi bilan to'qnash kelishimizdan xabaringiz bo'lsa kerak. Ushbu bosqichda biz zafar quchish uchun qo'limizdan kelganicha harakat qilamiz. 

- Sizga Ozarbayjondan ham takliflar bo'ldimi?

- "Navbahor" klubi bilan tuzilgan shartnomam joriy mavsum oxirigacha amal qiladi. CHempionlar Ligasining 1/8 finaliga chiqdik. SHu bois, jamoani  o'zgartirish niyatim yo'q. Butun etiborimni "Navbahor" ishtirokidagi o'yinlarga qaratganman. Boshqa erga ketishni xayolimga ham keltirmayman.

- Ozarbayjon va O'zbekiston chempionatlarini taqqoslay olasizmi?

- Rostini aytsam, taqqoslashni istamayman. Boisi, futbol har kuni rivojlanmoqda. Butun dunyoda futbol o'ynashni bilishadi.

Takidlash joizki, Ozarbayjon va O'zbekiston chempionatlarida to'p tepish men uchun katta tajriba. Qolaversa, ushbu mamlakatlar ligalarida o'ynash maroqli.