FIFA: "Navbahor" 30 kun ichida rossiyalik murabbiyga 520 ming AQSH dollarini to'lashi shart

Biroq Belenkov bilan 2023 yil 30 noyabrga qadar tuzilgan shartnomani muddatdan avval bekor qilingan hamda klub yordamchi murabbiyga shartnoma bo'yicha pullarini to'lamagan. Murabbiyning yuristlari "Navbahor"ga 150 ming AQSH dollari to'lashni va barcha masala yopilishini malum qilishgan. Biroq klub bunga etibor qilmagan.

Aleksey Belenkov FIFAga muroajat qilgan, uning huquqlarini SILA kompaniyasi himoya qildi. Ushbu kompaniya o'z vaqtida italiyalik Fabio Kapelloning huquqini himoya qilgan va Rossiya futbol Ittifoqi ushbu murabbiyga kerakli summani to'lab bergandi.

"Navbahor" 30 kun ichida Belenkovga 520 ming AQSH dollari (taxminan 5 milliard 300 million so'm) to'lashi shart, aks holda FIFA sankciyalar qo'llaydi. Bular transferlarni amalga oshirishga taqiq qo'yish, ochkolar olib tashlash va quyi ligaga tushirib yuborish bo'lishi mumkin.

Afsuski o'zbek klublari uchun xorijiy futbolchilar va murabbiylar bilan shartnomani mana shunday tarzda bekor qilishi odatiy holga aylangan. Klublarimizda malakali yuristlar va menejerlar deyarli yo'q.