FIFA "Andijon"ni jazoladi

12 iyun kuni "Andijon" ukrainalik darvozabon Vitaliy Mirniy bilan barcha qarzdorlikni yopishi borasida qaror qabul qilingandi.

Ushbu qarorga ko'ra klub barcha pullarni to'lashi va buni tasdiqlovchi hujjatlarni FIFAga yuborishi kerak edi.

Biroq "Andijon" ushbu qaror ijrosini bajarmadi va FIFA klubni keyingi 3ta transfer oynasi vaqtida yangi futbolchilarni ro'yxatdan o'tkazishga taqiq qo'ydi. Agar "Andijon" bundan keyin ham futbolchi bilan hisob-kitob qilmasa keyingi sankciyalar ochko olib tashlash yoki quyi ligaga tushirib yuborish bo'lishi mumkin.

Biz bu borada Vitaliy Mirniy bilan bog'landik va qabul qilingan qarorga munosabatini so'radik:

"Oldingi intervyuda ham aytgandmi, klub futbolchilar bilan bunday munosabatda bo'lishi meni xayron qoldirdi. Men bu klubda borimni berib mehnat qildim, maydonda bor kuchim bilan o'ynadim, o'z mehnatim bilan ishlab topgan pulimni olmoqchiman xolos. Rahbariyat tufayli klubga yanada jiddiy sankciya qo'llansa, uning muxlislariga jabr bo'ladi".