Fevzi Davletov: "Artyom Potapov "Surxon" bilan shug'ullanmoqda. Uning kelajagi borasida aniq to'xtamga kelamiz"

"Birinchi o'rinda yigitlarni va muxlislarni g'alaba bilan tabriklayman. Birinchi bo'limda biroz tetiklik va tezlik etishmadi. Yigitlarga qanotlarni ishga solishni aytdik. Raqib ko'proq markazga etibor berayotgandi. "Metallurg" bizni yaxshi o'rgandi va ikkinchi zonada kutib oldi. Qarshi hujumga o'tishga intildi. Ikkinchi bo'limda qizil kartochkadan so'ng bir kishi kam bo'lib qoldik. Futbolchilar kerakli xulosalarni chiqarishdi. O'ylaymanki, yaxshi o'yin va dars bo'ldi",- deydi Fevzi Davletov. 

- "Surxon" bir kishi kam holatda ham xarakter ko'rsata oldi. Bunday pallada ikkita narsa bosh planga chiqadi: murabbiy taktikasi va jismoniy ustunlik. Sizlarda qaysi biri o'xshadi?

- Raqib yuqori pressing qilganida bizga qiyin bo'lardi. Ular bizga engillik yaratib berishdi. Hujum qilishga ham imkoniyat berdi. Jarima zarbasida ham shunday holat.

- Jurnalistlar uchun ajratilgan xududda birinchi bo'limda Davletov aut deb  baqirib o'tirishdi?

- Buni etiborga olish kerakmas. Hamma o'z ishini qilgani yaxshi. Futbol 90 daqiqa o'ynaladi. 

- Avvalgi matbuot anjumanida Silvanus Nimeli masalasiga nuqta qo'yildi. Artyom Potapov borasida ham yakuniy qaror qabul qilindimi?

- U jamoa bilan shug'ullanmoqda. Oldinda uning kelajagi haqida aniq to'xtamga kelamiz. Hammasi uning o'ziga bog'liq. Jamoada qolishni istaydimi yoki yo'q kabi detallar bor. Birinchi davra yakunlanishiga yana 2 ta o'yin qoldi. SHundan so'ng malum bo'ladi.