Fernando Lorente: "Italiyada ekanligimdan baxtliman"

Men Italiyada ekanligimdan baxtliman. O'tgan mavsumda "Yuventus" tarkibida 18ta gol kiritdim. Biz chempionlikni qo'lga kiritdik va ochko jamg'arish bo'yicha rekord o'rnatdik. Bu men uchun ajoyib mavsum bo'ldi. Buning yana bir sababi shundaki, men ilk bor Ispaniyadan tashqarida o'ynaganim bo'lsa kerak. O'tgan yil men uchun oson kechmadi. Lekin chiroyli tarzda yakunlandi. Umid qilamanki, bu yili yanada yaxshiroq kechadi va men ko'proq gol kiritishga harakat qilaman.
Meni "Yuventus"dagi faoliyatimni "Verona" darvozasiga kiritgan golim o'zgartirib yubordi deb bemalol ayta olaman.

Massimiliano Allegri juda yaxshi murabbiy. Uch yil ichida u Italiyadagi barcha sovrinlarni yutishga erishganligi ham uning qanday mutaxassis ekanligini ko'rsatib turibdi. Bizning tarkibimiz o'tgan yilgi ijrochilar va plyus yana kuchli yangi futbolchilar bilan boyitildi. O'ylaymanki, biz yanada kuchaydik. Allegri bilan yangi marralar sari intilishni istaymiz. Biz o'zimizning maydondagi harakatlarimiz bilan Allegri qanday murabbiy ekanligini muxlislarga isbotlashimiz zarur.
CHempionlar ligasida ham yuqori maqsadlar bilan ishtirok etmoqchimiz. Bor kuch-g'ayratlarimizni ishga solamiz. O'tgan yili hech kim "Atletiko"ni finalgacha borishini taxmin qilmagan edi. Biz ham bu mavsumda katta mehnat evaziga yanada yaxshiroq natijani qo'lga kiritishga harakat qilamiz.
Alvaro Morataning "Yuventus"ga kelib qo'shilganidan xursand bo'ldim. Morata bilan munosabatlarimiz yaxshi. Men u bilan gaplashdim, bu erda qanday yaxshi ekanlagini aytdim. Hujum chizig'idagi kuchli raqobat bu bizning foydamizga ishlaydi. Alvaro Morata menga raqib emas, balki do'stdir.