Farhod Tojiev: Pro ligada kamida 20-25 ta gol urishni maqsad qilganman

- Uchrashuv haqidagi fikrlaringiz?
- Uchrashuv judayam og'ir bo'ldi. Nimaga deganda 4 kun oldin tabiiy maydonda to'p surgan edik. Bugun esa suniiy maydonda to'p surdik. Uchrashuv oson bo'lmadi, qiyin kechdi. Jamoadoshlarimga katta rahmat aytaman. Nukuslik muxlislarga esa alohida tashakkur. Ular zaxiraga chiqayotganimda qarsaklar bilan kuzatib qo'yishlarini kutmagandim. Umuman olganda uchrashuv keskin kechdi. Ikkala jamoa ham yaxshi o'yin ko'rsatdi. Omad sal bizlar tomonimizda bo'lganidan, imkoniyatlardan unumli foydalandik.

- O'yininggizdan ko'nglingiz to'ldimi?
- Ko'nglim to'lgani yo'q. Suniiy maydon eski jarohatlarni hammasini qo'zg'atadi. SHunga ozgina og'riq sezganim uchun ham o'yinimdan ko'nglim to'lmadi.

- Bu yilgi maqsadingiz qanaqa? Nechta gol urishni rejalashtiryapsiz?
- Maqsadimiz doimo yuqori. To'purar bo'lishni rejalashtiryapman. Jamoamiz bilan birgalikda Superligaga chiqishni maqsad qilganmiz.

- O'zingiz nechta gol urishni rejalashtiryapsiz?
- Qo'ldan kelgancha ko'proq albatta. Kamida 20-25 ta gol urish niyatim bor.


Furqat Yusupov suhbatlashdi