Farg'ona viloyat kubogi: Finalda kutilgan jamoalar

Bugun Farg'ona viloyati kubogi finalchilari malum bo'ldi. Kutilganidek ushbu turnirga jiddiy tayyorgarlik ko'rgan Oltiariqning “Iftixor” va Marg'ilonning “Farovon” jamoalari hal qiluvchi bahsga yo'llanma olishdi. Bundan bir necha kun oldin ushbu jamoalar viloyat birinchigining final uchrashuvida to'qnash kelishgandi. O'sha bahsda Nodir Qo'ziboev murabbiyligidagi “Iftixor” klubi g'alaba qozonib, viloyat chempionligini qo'lga kiritgan edi. Oltiariqliklar dubl qayd etishga yaqin. Bundan tashqari, ushbu klub viloyat birinchiligi doirasidagi 1-turda “Beshariq” jamoasiga yutqazib qo'yganidan beri mag'lubiyatga uchragani yo'q. Bu natija tahsinga loyiq.

Farg'ona viloyati kubogi
Yarim final
Farovon – Cementchi – 2:1
FarDU – Iftixor – 0:1

Final o'yini 1 noyabr kuni “Neftchi” futbol maktabiga qarashli stadionda (BO'SM) bo'lib o'tadi. Uchrashuv soat 12:00da boshlanadi.

Abror DEHQONOV