Farg'ona viloyat hokimi kubogida Tojikiston va Qirg'iziston klublari qatnashishi mumkin

Bu yilgi turnir oldingi yillardan biroz farq qilishi mumkin. Aniqrog'i, 28 yanvar kuni start olishi kutilayotgan musobaqa xalqaro turnir maqomini olishi kutilmoqda. Ayni damda musobaqa tashkilotchilari Tojikiston va Qirg'iziston klublari bilan muzokara olib borishmoqda. Agar kelishuvga erishilsa, “Farg'ona viloyat hokim kubogi-2018”da qo'shni respublika jamoalari ham qatnashishadi.

Bundan tashqari, turnirda O'zbekiston Superligasi va Pro-ligasi jamoalari ishtirok etishadi. Tez kunda turnir ishtiorokchilari va taqvimi elon qilinadi.
Aytgancha, Farg'ona viloyati futbol federaciyasi ushbu musobaqaning saviyasini oshirish borasida keng kulamli ishlarni amalga oshirishmoqda. SHuning uchun musobaqada qatnashish istagida bo'lgan Superliga va Pro-liga klublari Farg'ona viloyati futbol federaciyasiga murojaat etishlari mumkin.

Abror DEHQONOV