FarDU yangi mavsumni Proligada o'tkazadi

FarDU birinchilikning SHarqiy mintaqasini 2-o'rinda yakunlab, pley-off bosqichida o'ynash huquqini qo'lga kiritgandi. Toshkent mezbonlik qilgan pley-off o'yinlarida universitet jamoasi 3-o'rinni egalladi. 

O'tgan yilning dekabr oyida Liga mutaxassislari Farg'ona davlat universitetida bo'lib, uning futbol jamoasida amalga oshirilayotgan ishlar bilan tanishdi hamda FarDUning Proligada ishtirok etishi uchun qanday ishlar amalga oshirilishi lozimligi yuzasidan universitet rahbariyati bilan uchrashuv o'tkazdi. Dekabr oyi davomida universitet Liga tomonidan ilgari surilgan talablarni bosqichma-bosqich hal qildi. 

Xususan, klub 2025-yilgi mavsumni Istiqlol stadionida o'tkazish bo'yicha uch tomonlama shartnomani Liga ro'yxatidan o'tkazdi. Keyinchalik Proliga klublarining futbolchilar bilan mehnat shartnomasi imzolashi borasidagi O'FA tomonidan belgilangan talablarni bajarish yuzasidan kafolat taqdim etildi. SHuningdek, universitet talablaridan tuziladigan U19 jamoasi O'zbekiston U19 chempionatida ishtirok etadigan bo'ldi. 

Liga oliy talim muassasalarining professional futbolga bo'lgan intilish va etibori ortib borayotganini qadrlaydi va FarDU jamoasi 2025-yilgi mavsumni shartli ravishda Proligada o'tkazishini malum qiladi. Qo'shimchasiga, mazkur jamoaning keyingi yillar davomida licenziyalash talablari asosida faoliyat olib borishiga ko'maklashadi.