Falastin - Iordaniya. Prevyu

Ilk turda ikkala jamoa ham mag'lub bo'ldi. Falastin amaldagi Osiyo Kubogi sohibi Yaponiyaga 0:4 hisobida imkoniyatni boy berib qo'ygan bo'lsa, Iordaniya 2007 yilgi chempion Iroqqa yutqazdi - 0:1.

Falastin o'z tarixida ilk bor qita chempionati final bosqichida qatnashmoqda. Jamoa o'tgan yil OFK CHaqiruv kubogida g'olib bo'lib yo'llanmaga ega bo'ldi. Terma jamoa hozircha Osiyo Kubogida gol ura olgani yo'q.

Iordaniya uchun bu yilgi musobaqa 3-Osiyo Kubogi sanaladi. Ushbu jamoa o'zi qatnashgan o'tgan ikki Osiyo chempionatida chorak finalga qadar etib borgan (2004 va 2011 yillarda).

Bu ikki jamoa o'zaro 7 marta to'qnash kelgan. Falastin bugunga qadar Iordaniyani umuman mag'lub eta olmagan. To'rt marta durang qayd etilgan va 3 marta Iordaniya zafar quchgan. To'plar nisbatida ham Iordaniya yaqqol ustun - 15:6.

Ushbu jamoalar hozirga qadar Osiyo Kubogida umuman to'qnash kelishmagan.

Dastlabki turda ikkala jamoa ham 3tadan sariq bitta qizil kartochka oldi. Falastindan Ahmad Harbi va Iordaniyadan Anas Bani Yasin qizil kartochka tufayli bugungi bahsni yuborishadi.

Falastin - Iordaniya
16 yanvar 2015. Melburn
Bosh hakam: Kim Jong Xyok (Janubiy Koreya)
Qanot hakamlari: Jeong Xae Sang (Janubiy Koreya), Yang Byoong Eun (Janubiy Koreya)
To'rtinchi hakam: Ammal Ali Abdulla Juma (BAA)
Beshinchi hakam: Mohd Yusri Muhammad (Malayziya)


Narzulla Saydullaev