Evropa chempionatlari tarixi: Evro-1984
26 may 2016 21:00
Yangiliklar

Evropa chempionatlari tarixi: Evro-1984

"Ko'hna qita" chempionatlari tarixi bilan tanishtirishda davom etamiz.

Ettinchi Evropa chempionati 1984 yilning 12-27 iyun kunlari Franciya shaharlarida bo'lib o'tdi. Turnirning final qismida 8 ta terma jamoa ishtirok etgan: 7 ta jamoa saralash o'yinlari g'oliblari va mezbon Franciya terma jamoasi.

Bu turnirda o'tgan safargisiga qaraganda biroz o'zgartirish kiritilgan. Yani, 1980 yili bo'lib o'tgan qita chempionatida faqat guruh g'oliblari final o'yinida to'g'ridan-to'g'ri ishtirok etgan bo'lsalar, bu safar guruhda birinchi va ikkinchi o'rinni egallagan terma jamoalar yarim final bosqichida to'qnash kelishgan. Uchinchi o'rin uchun o'yin esa aynan ushbu turnirdan boshlab o'tkazilmagan. Finalda Ispaniyani 2:0 hisobida mag'lubiyatga uchratgan mezbonlar – Franciya terma jamoasi turnir g'olibiga aylangan.

Qatnashchilar: Belgiya, Daniya, Ispaniya, Portugaliya, Ruminiya, Franciya, GFR, Yugoslaviya.

"A" guruhi: Franciya, Daniya, Belgiya, Yugoslaviya
"B" guruhi: Ispaniya, Portugaliya, GFR, Ruminiya

Yarim finallar:
Franciya - Portugaliya 3:2
Daniya - Ispaniya 1:1 (pen. 4-5)

Final:
Franciya - Ispaniya 2:0