Evro-2020. Oktyabrdagi saralash o'yinlaridan nimani kutish mumkin?
10 okt 2019 15:15
Yangiliklar
![](https://championat.asia/upload/storage/522719_original.jpg)
![](/upload/storage/522719_220.jpg)
Evro-2020. Oktyabrdagi saralash o'yinlaridan nimani kutish mumkin?
SHimoliy Irlandiya uchun muhim palla
SHimoliy Irlandiya "C" guruhidagi dastlabki to'rt o'yinda maksimum ochko to'pladi, ammo so'nggi bahsda o'z uyida Germaniyaga mag'lub bo'ldi (0:2) va ketma-ket ikkinchi marta Evropa chempionatiga chiqish vazifasini og'irlashtirib oldi. Bugun SHimoliy Irlandiya Rotterdamda barcha uchrashuvlarda g'alaba qozoni kelayotgan, ammo qolganlardan bitta o'yin kam o'tkazgan Gollandiya mehmoni bo'ladi. Irlandiyaliklar ustozi Maykl O'Nil matbuot-anjumanida quyidagi gapni aytdi: "Biz gollandiyaliklarga qarshi 2ta uchrashuvda 4 ochko olishimiz kerak. Mehmonda durang o'ynab, Belfast yoki Rotterdamda zafar quchishimiz lozim".
Payshanba: Belarus - Estoniya, Gollandiya - SHimoliy Irlandiya
Yakshanba: Belarus - Gollandiya, Estoniya - Germaniya
Payshanbada masala hal bo'ladimi?
Belgiyaliklar 6ta uchrashuvning barchasida g'alabaga erishdi va navbatdagi 3 ochko jamoani Evro-2020 guruh bosqichiga olib chiqadi. Rossiya SHotlandiyani mag'lub etsa, Qozog'iston esa Kipr bilan hech bo'lmaganda ochkolarni bo'lishib olsa, ruslar Belgiya bilan musobaqaning asosiy bosqichiga yo'l olishadi. Roberto Martines o'zini "Real"da ko'rsata olmayotgan Tibo Kurtua va Eden Azar holidan havotir olmayapti: "Terma jamoalar tanaffusi Kurtua va Azarga yordam berishi mumkin. Ular klubga tetik va kuchli bo'lib qaytishadi" - dedi belgiyaliklar murabbiyi.
Payshanba: Qozog'iston - Kipr, Belgiya - San-Marino, Rossiya - SHotlandiya
Yakshanba: Qozog'iston - Belgiya, Kipr - Rossiya, SHotlandiya - San-Marino
Xercog uyiga qaytyapti
"G" guruhida birinchi va beshinchi o'rinlar o'rtasidagi farq 5 ochkoni tashkil qiladi. Latviya bir ochko ham to'play olmadi, qolganlar - Polshadan tortib Isroilgacha Evropa chempionatiga yo'l olish imkoniyatiga ega. Andreas Xercog boshchiligidagi Isroil terma jamoasi payshanbada Avstriya mehmoni bo'ladi. Isroilliklar ustozi Avstriyada dunyoga kelgan: "Oilam stadionda bo'ladi. Men tuyg'ularni chetga surib, bor etiborimni o'yinga qaratishim kerak. EVROga chiqishimiz uchun bizga 4ta bahsda zafar quchishimiz lozim.
Payshanba: SHimoliy Makedoniya - Sloveniya, Latviya - Polsha, Avstriya - Isroil
Yakshanba: Sloveniya - Avstriya, Polsha - SHimoliy Makedoniya
Seshanba: Isroil - Latviya
Jeyms bilan kuchaygan uelsliklar
Xorvatiya "E" guruhida slovak va vengerlardan bir, uelsliklardan esa to'rt ochko oldinda. Bu guruhdagi ko'p masala payshanbadayoq, Uels uyida Slovakiyani qabul qilganida hal bo'lishi mumkin. Uelsliklar mart oyida 21 yoshli debyutant Daniel Jeymsning goli evaziga Bratislavada g'alaba qozongan edi. Jamoa ustozi Rayan Giggzning fikricha, yozdan beri MYU sharafini himoya qilayotgan futbolchi yanada kuchaygan. "U har o'yinda o'sib boryapti. Ajoyib driblingga ega futbolchi yaxshi pas beradi va faol harakatlanadi" - deydi Giggz.
Payshanba: Xorvatiya - Vengriya, Slovakiya - Uels
Yakshanba: Vengriya - Ozarbayjon, Uels - Xorvatiya
CHexlar "Slaviya" tajribasiga ishonishmoqda
Angliya Pragada g'alaba qozonsa Evro-2020 yo'llanmasini qo'lga kiritadi. Ikkinchi o'rindagi chexlar xavfli vaziyatda, chunki uchinchi o'rindagi Kosovo CHexiyadan bor-yo'g'i 1 ochko orqada. "A" guruhidagi yo'llanmalar masalasi 14 noyabrda, Yaroslav SHiglava jamoasi Plzenda kosovoliklarni qabul qilganda hal bo'ladi. CHexiya terma jamoasiga CHempionlar ligasiga chiqqan "Slaviya"ning 8 futbolchisi chaqirilgan. "Bu biz uchun ustunlik, "Slaviya" doimo yirik bahslarda maydonga tushyapti va uning futbolchilari yuqori saviyaga ko'nikib qolishdi" - deydi SHiglava.
Juma: CHexiya - Angliya, CHernogoriya - Bolgariya
Dushanba: Bolgariya - Angliya, Kosovo - CHernogoriya
Ukrainaliklar umidi
Evropaning amaldagi chempionlari portugaliyaliklar sentyabrda ikki g'alabaga erishib, "B" guruhida ikkinchi o'ringa ko'tarilib olishdi. Birinchi o'rinda ketayotgan Ukraina terma jamoasi oktyabrdagi bahslarda 4 ochko to'plasa asosiy turnirga yo'l oladi. "Uchta o'yin qoldi. Maqsadimiz - maksimum ochko to'plab, Evro-2020 yo'llanmasini qo'lga kiritish. Keyin esa yozgi rejalar haqida o'ylash mumkin. Hozircha vazifa uddalanmadi, shu sababli kelajak haqida bosh qotirishga erta" - deydi Ukraina terma jamoasi bosh murabbiyi Andrey SHevchenko.
Juma: Portugaliya - Lyuksemburg, Ukraina - Litva
Dushanba: Ukraina - Portugaliya, Litva - Serbiya
Desham yo'nalishi bo'yicha
"H" guruhi boshidan juda qiyindek ko'ringandi, chunki Evro-2016 final bosqichida ishtirok etgan 4ta jamoa bu guruhda kurash olib bormoqda. Hozircha Turkiya va Franciya etakchilik qilmoqda, islandiyaliklar 3 ochko orqada, Albaniya esa 6. Jahon chempionlari 2ta g'alabaga erishsa, masalani ijobiy hal qilishadi. "Avvaliga Islandiyadagi bahsda g'alaba qozonishimiz lozim. Keyin ikkinchi bahsda zafar quchsak, vazifani uddalagan bo'lamiz" - deydi Dide Desham.
Juma: Islandiya - Franciya, Turkiya - Albaniya, Andorra - Moldova
Dushanba: Franciya - Turkiya, Moldova - Albaniya, Islandiya - Andorra
Yangilangan Ispaniya terma jamoasi
Evro saralashida birinchi va ikkinchi o'rin o'rtasidagi eng katta farq "F" guruhida. Ispaniya ortidan quvayotgan SHveciya 7 ochko orqada. Ikkita g'alaba Ispaniya terma jamoasiga Evro-2020 yo'llanmasini taqdim etadi. Roberto Moreno milliy jamoaga birdaniga uch nafar debyutant - Serxio Regilon, Pau Torres va Jerar Morenoni taklif etdi. "Real" va "Barselona" kabi grandlardan uch nafardan futbolchi chaqirilgan. "Tarixdagi eng yaxshi terma jamoalar asosan grand vakillaridan tashkil topgan, ammo hozirgi futbolda hammasi boshqacharoq. Endi LaLiga etakchilari safida milliy jamoaning ko'plab futbolchilari o'ynamayapti. Ispan jamoalari kuchsizlandi deyish noto'g'ri" - deydi Moreno.
SHanba: Ferer orollari - Ruminiya, Norvegiya - Isaniya, Malta - SHveciya
Seshanba: SHveciya - Ispaniya, Ruminiya - Norvegiya, Farer orollari - Malta
Lixtshtaynerning qaytishi
"D" guruhida birdaniga uch jamoa hali mag'lub bo'lgani yo'q. Endi SHveycariya omadsizlik nimaligini bilmaydigan yagona jamoa bo'lib qolishi mumkin. Ular avvaliga mehmonda ikkinchi o'rin sohibi Daniya, keyin esa o'z uyida Irlandiya bilan o'ynashadi. SHveycariyaliklar ustozi Vladimir Petkovich mart oyidan so'ng ilk marta Stefan Lixtshtaynerni milliy jamoaga taklif qildi. Boshqa tomondan, milliy jamoadan ketish qarorini o'zgartirgan SHerdan SHakiri jarohat tufayli maydonga tusha olmaydi. "Doimo Lixtshtayner bilan aloqada bo'lib turdim va u doimo o'zini yaxshi tutgan. Stefan har doim terma jamoaga yordam berishga tayyor bo'lgan. U hali ham jamoamiz etakchisi va sardori" - deydi Petkovich.
SHanba: Gruziya - Irlandiya, Daniya - SHveycariya
Seshanba: SHveycariya - Irlandiya, Gibraltar - Gruziya
Mxitaryansiz bahslar
Ikkita g'alaba Italiya terma jamoasiga "J" guruhida etakchi bo'lib qolishni taminlaydi. Agar Rimda Greciya mag'lub etilsa va Armaniston Lixtenshteynga qarshi bahsda 3 ochko ololmasa appeninliklar shanbadayoq Evro-2020ga chiqish vazifasini uddalashi mumkin. "Bu uchrashuv bizga yo'llanmani taqdim etishi mumkin. "Olimpiko" tribunasi xiddiy 1990 yildagi JCHdagidek to'lishiga umid qilaman" - dedi italiyaliklar ustozi Roberto Manchini. Armanlar ikkinchi o'rindagi Finlyandiyadan 2 ochko orqada va keyinni ikki bahs muhim ahamiyatga ega bo'ladi. Armaniston terma jamoasi navbatdagi uchrashuvlarni jarohat olgan Genrix Mxitaryansiz o'tkazishiga to'g'ri keladi.
SHanba: Bosniya va Gercegovina - Finlyandiya, Italiya - Greciya, Lixtenshteyn - Armaniston
Seshanba: Finlyandiya - Armaniston, Lixtenshteyn - Italiya, Greciya - Bosniya va Gercegovina
O’xshash yangiliklar
![AMP Logo](https://championat.asia/image/logo-amp.png)
Fikrlar