Evro-2016da ishtirok etuvchi jamoa murabbiylarining maoshi qancha ekanligini bilasizmi?

Ushbu turnirda ishtirok etuvchi jamoa murabbiylari orasida Roy Xojsonning yillik maoshi 3,5 mln. funt bo'lib, u ro'yxatni boshqarib turibdi. Evro-2016 ishtirokchilari safida Antonio Konte ikkinchi (3,15 mln. funt), Turkiya ustozi Fotix Terim uchinchi o'rinni (2,7 mln. funt) egallab turibdi.

Musobaqada qatnashuvchi 24 mutaxassisning 8 nafari 1 mln. funt yoki undan ko'proq yillik maosh oladi. Eng kam maosh oladigan murabbiyni bilasizmi? Leonid Sluckiy. Uning yillik maoshi - 0. "U maosh olmaydi, biz murabbiyning muvaffaqiyatlariga qarab mukofot puli ajratamiz" - degan edi Rossiya sport ishlari vaziri Vitaliy Mutko.

Portugaliya terma jamoa bosho' murabbiyi Fernandu Santushning yillik maoshi 962 ming funt. Jamoa yulduzi Krishtianu Ronaldu esa haftasiga 320 ming funt ishlab topadi.