Eshitdik-da! Osiyo o'yinlari-2018. Uch nafar yoshi katta futbolchi nomi malum
12 iyu 2018 13:39
Yangiliklar

Eshitdik-da! Osiyo o'yinlari-2018. Uch nafar yoshi katta futbolchi nomi malum

Xabaringiz bor, 18 avgust - 2 sentyabr kunlari Indoneziyada navbatdagi Osiyo o'yinlari bo'lib o'tadi.

Musobaqada O'zbekiston Olimpiya terma jamoasi o'zining asosiy tarkibi bilan ishtirok etadi.

Osiyo o'yinlaridagi terma jamoalar 1995 yil va undan keyin tug'ilgan futbolchilar xizmatidan foydalanishlari mumkin. Bunga qo'shimcha ravishda 3 nafar yoshi katta futbolchi o'ynashga haqli.

Ravshan Haydarov ushbu musobaqaga qaysi uch nafar yoshi katta futbolchilarni olib ketishi malum. Eshitishimizga qaraganda, bular Ikrom Aliboev, Jaloliddin Masharipov va Azizbek Turg'unboev bo'ladi.

Terma jamoamiz "B" guruhida Tailand, Bangladesh va Qatar terma jamoalariga qarshi kurash olib boradilar. Eslatib o'tamiz, futbol bahslarida 24ta terma jamoa ishtirok etadi.