Eshitdik-da! Igor SHkvirin "Turon" bosh murabbiyligidan ketdi

Kechagi mag'lubiyatdan so'ng yaypanliklarning Superligada jon saqlab qolish imkoniyatlari keskin pasayib ketdi. "Championat.asia" sayti manbalarining malum qilishicha, "Turon"ni boshqarib kelayotgan Igor SHkvirin bosh murabbiylikdan ketdi. Mavsumning qolgan 3 o'yinida jamoani boshqa mutaxassis boshqaradi.

Igor Anatolevich shu yilning 23 iyun sanasida "Turon" bosh murabbiyiga aylangandi. SHundan so'ng jamoa ketma-ket 5 tur mag'lubiyat nimaligini bilmadi (2 g'alaba va 3 durang), ammo keyingi 8 turning ettitasida futbolchilar maydonni boshlari egik holda tark etishdi. Superligada yaypanliklar bosh murabbiyligidagi 13 turda SHkvirin 2 g'alaba, 4 durang va 7ta mag'lubiyat qayd etdi. To'plar nisbati - 11:20.

Kulayotgan SHkvirin

Eslatib o'tamiz, ayni paytda "Turon" Superliga turnir jadvalida 23 o'yindan keyin 13 ochko to'plagan holda so'nggi pog'onada bormoqda. Undan yuqoridagi "Mashal" va "Andijon"da 18tadan ochko va zaxirada bittadan o'yin bor.

Coca Cola Superligasi turnir jadvali >>>>> SUPERLIGA