“Ertangi kun sporti”. O'zbekiston - Eron 2:1
02 mar 2016 16:54
Yangiliklar

“Ertangi kun sporti”. O'zbekiston - Eron 2:1

Teglar : Temur Olimxo'jaev O'zbekiston U-16

Toshkent shahrida “Ertangi kun sporti” (Sport for tomorrow) nomli futbol festivalining 2-turi yakunlandi.

Dastlabki turda O'zbekiston Turkmaniston ustidan 5:1 hisobida ustun kelgandi. Yaponiya va Eron o'rtasidagi bahsda hisob ochilmagandi - 0:0.

Bugun 2-turning ilk bahsida Yaponiya o'smirlari Turkmanistonni 1:0 hisobida mag'lub etishdi.

Ikkinchi o'yin O'zbekiston va Eron o'rtasida bo'lib o'tdi. Uchrashuvning 11-daqiqasida forslar hujumchisi chiroyli gol urib hisobni ochdi - 0:1. Birinchi bo'limda O'zbekistonda hisobni tenglashtirish uchun bir qator imkoniyatlar bo'ldi. Biroq javob goli faqat ikkinchi bo'lim boshida urildi.

Rasul Yo'ldoshevning o'ng qanotdan chap oyoqda jarima maydoniga uzatib bergan ajoyib pasidan so'ng Abdunozir Abdurahmonov Eron darvozasiga to'p kiritdi - 1:1.

61-daqiqada Rasul Yo'ldoshevning jarima maydoniga uzatgan to'pini Abdunozir darvozaga yo'lladi, himoyachidan qaytgan to'pni SHuhrat Nematov deyarli bo'sh darvozaga joylab qo'ydi - 2:1.

Uchrashuvning qolgan daqiqalarida hisob o'zgarmadi va O'zbekiston o'smirlar terma jamoasi ikkinchi g'alabani qo'lga kiritdi.

O'zbekiston U16 - Eron U16 - 2:1

Gollar: Abdunozir Abdurahmonov 47, SHuhrat Nematov 61 - Namdari 11

O'zbekiston U16: 12.Jasurbek Umrzoqov , 3.SHoxzamon Xayrullaev (6.Mardon Abdullaev, 25), 4.Ixtiyor Xoldorov, 7.Oston O'runov, 8.Valeriy Akopov (36.SHuhrat Nematov, 17), 9.Bahrom Soatov, 10.Rasul Yo'ldoshev (23.G'ayrat Azizxo'jaev, 89), 33.Asadbek Sobirjonov (Burxon Hasanov, 72), 16.Alfayzi Nematov (32.Abdunozir Abdurahmonov, 42) (14.Ibrohim G'anixonov, 90) , 5.Abubakir Mo'ydinov, 19.Islom Karimov.

Eron U16: 1.Esmaili, 6.SHariati, 23.Ranjbar, 3.Esmailzoda, 15.Sadegi, 2.Davari, 7.Godarzi, 10.Namdari, 17.Gaderi, 14.Gobeishavi, 5.Muhammadalipur.
Zaxiradan tushganlar: G'ulomzoda, Hussayin Pur, Sardari, Ali Pur, SHarifi.

4 mart kuni musobaqaning so'nggi turi bo'lib o'tadi. O'zbekiston va Yaponiya uchrashuvi g'olibi musobaqa chempioni bo'ladi.

4 mart
11:00 Eron U16 – Turkmaniston U16
15:00 O'zbekiston U16 – Yaponiya U16

Eslatib o'tamiz, O'zbekiston o'smirlar terma jamoasi sentyabr oyida Hindistonda o'tadigan U16 Osiyo chempionatiga tayyorgarlik ko'rmoqda. Eron va Yaponiyaga ham qita birinchiligiga yo'llanma olgan.

Narzulla Saydullaev