Ertaga "Qo'qon-1912" "Surxon" bilan o'ynaydi
26 mar 2021 12:30
Yangiliklar

Ertaga "Qo'qon-1912" "Surxon" bilan o'ynaydi

Teglar : Qo'qon-1912 Surxon

Coca Cola Superligasining navbatdagi, 4-tur uchrashuvini “Bunyodkor” jamoasiga qarshi o'tkazadigan “Qo'qon-1912” jamoasi azolari, Toshkent shahrida o'z mashg'ulotlarini davom ettirishmoqda.

Baxtiyor Ashurmatov boshchiligidagi futbolchilar kuniga ikki mahaldan mashg'ulotlarda ishtirok etishyapti.

Ertaga “shunqorlar” o'rtoqlik uchrashuvida maydonga tushishadi. Futbolchilarning o'yin amaliyotlarini ushlab turish maqsadida murabbiylar shtabi o'rtoqlik o'yini o'tkazishni maqul deb topishdi. Ertangi o'yinda Termizning “Surxon” jamoasi qo'qonliklarga raqib bo'ladi. Yodingizda bo'lsa Superliganing Termizda bo'lib o'tgan 3-tur o'yinida “Surxon” hamda “Qo'qon-1912” jamoalari o'zaro murosa ko'chasini tanlashgan edi - 1:1.

“Qo'qon-1912” va “Surxon” jamoalari o'rtasidagi bahs ertaga, 27 mart kuni soat 12:00da Toshkentdagi “NBU” stadionida boshlanadi.