Ertaga O'zbekiston - Saudiya Arabistoni bahsi oldidan rasmiy tadbirlar bo'lib o'tadi

Ertaga, 13 noyabr kuni mazkur o'yin oldidan matbuot anjumani hamda rasmiy mashg'ulotlar bo'lib o'tadi. Dastavval, soat 16:30da Saudiya Arabistoni terma jamoasi murabbiyi ishtirokida matbuot anjumani tashkil etiladi. Soat 17:00da esa Saudiyalik futbolchilar “Paxtakor” stadionida mashg'ulot o'tkazadi. Mashg'ulot jarayonining dastlabki 15 daqiqasi OAV vakillari uchun ochiq tarzda o'tadi.

So'ngra soat 17:30da “Paxtakor” stadioni anjumanlar zalida O'zbekiston milliy terma jamoasi ustozi Vadim Abramov jurnalistlarning o'yin oldi savollariga javob qaytaradi. Milliy jamoamizning rasmiy mashg'uloti esa soat 18:15da bo'lib o'tadi va uning dastlabki 15 daqiqasi OAV vakillari uchun ochiq tarzda o'tadi.