Ertaga "Navbahor" "Olmaliq" bilan o'ynaydi

Aslini olganda xorijlik futbolchi yurtimizga kelganicha yo'q. Ayni paytda kelib, futbolchini O'zbekistonga kirish vizasini olish bog'liq barcha hujjatlar tayyor holatga keltirilganligini aytib o'tish joiz. Leposavich o'zi esa ushbu hafta oxirida Toshkentga etib keladi. SHundan so'ng futbolchi jamoamiz mashg'ulotlariga qo'shiladi.

Bevosita tayyorgarlik jarayoni xususida so'z yuritadigan bo'lsak, hozirda jamoamiz kuniga ikki mahaldan tashkil etilayotgan mashg'ulotlarda qatnashmoqda. Kuning birinchi yarmidagi mashqlarda asosiy etibor jismoniy holatni tiklashga qaratilayotgan bo'lsa, ikkinchi mashg'ulotda futbolchilarimiz ko'proq to'p bilan shug'ullanishmoqda. Rejaga ko'ra jamoamiz ertaga “Olmaliq” jamoasi bilan poytaxtdagi dastlabki nazorat uchrashuvida maydonga tushadi.

Olmaliqliklarga qarshi o'tadigan o'yin soat 15.00da “CHilonzor” o'yingohida boshlanadi. Milliy terma jamoamiz Osiyo kubogidagi ishtirokini yakunlaganligi sababli, yangi haftadan bosh murabbiy Baxtiyor Ashurmatovning o'zi mashg'ulotlarga boshchilik qiladi. Bu jihat esa muxlislarimizni xursand qilishi tabiiy hol.