Eron. 22-tur. Legionerlarimizdan faqat Melziddinov maydonga tushmadi

Etiboringizga legionerlarimiz ishtirokidagi o'yinlarni taqdim etamiz.

Fozil Musaev to'p tepayotgan "Sepaxon" klubi "Malavan"ga qarshi o'ynadi. Uchrashuvda maydon egalari 1:0 hisobida g'alaba qozonishdi. Musaev bahsda to'liq o'ynadi. "Sepaxon" 22ta o'yindan so'ng 37 ochko bilan musobaqa jadvalining 4-pog'onasini egallab turibdi. Klub navbatdagi turni 16 mart kuni o'z uyida "Padideh"ga qarshi o'tkazadi.

Eron pro-ligasi musobaqa jadvali
"Malavan" - "Sepaxon" 1:0
Gol: B.Xatami 16

Ruslan Melziddinov to'p tepayotgan "Naft Masjid Sulaymon" klubi safarda "Istiqlol" bilan o'ynadi. Bu bahs 1:0 hisobi bilan tugadi. Melziddinov uchrashuvda maydonga tushmadi. Klub 19 ochko bilan 15-pog'onada bormoqda. Hamyurtimiz jamoasi keyingi bahsni 12 mart kuni "Traktor Sozi"ga qarshi o'tkazadi.

"Istiqlol" - "Naft Masjid Sulaymon" 1:0
Gol: Rizo Inoyati 60


Bahodir Nasimov faoliyat olib borayotgan "Padideh" klubi o'z uyida "Istiqlol Xuziston" bilan bellashdi. Bahsda 1:1 hisobi qayd etildi. Nasimov uchrashuvda 90 daqiqa o'ynadi. "Padideh" ayni paytda 25 ochko bilan musobaqa jadvalining 10-pog'onasidan o'rin olgan. Klub keyingi uchrashuvni 16 mart kuni safarda "Sepaxon"ga qarshi o'tkazadi.

"Padideh" - "Istiqlol Xuziston" 1:1
Gollar: M.G'ulomi 11 - M.Momeni 66.

Oybek Qilichev faoliyat olib borayotgan "Paykon" klubi kecha safarda "Lokomotiv"ning OCHLdagi raqibi "Fulad" mehmoni bo'ldi. O'yinda hisob ochilmadi. Qilichev mehmonlar safida 80 daqiqa harakat qildi.

"Paykon" 22 ochko bilan musobaqa jadvalining 12-pog'onasida bormoqda. Klub keyingi o'yinni 16 mart kuni o'z uyida "Zob Oxan"ni qabul qiladi.

"Fulad" - "Paykon" 0:0