Ermatov nega derbini boshqarmaydi?

Unga ko'ra, turning markaziy uchrashuvi bo'lishi kutilayotgan "Bunyodkor" - "Paxtakor" bahsini Ravshan Ermatov emas, balki SHerzod Qosimov boshqarib boradi. Albatta, nima sababdan Ermatovning Toshkent derbisiga qo'yilmagani muxlislar orasida o'ziga xos bahs-munozaralarni keltirib chiqardi.

Boshida o'zimiz ham hayron qoldik. Nahotki, Ermatov yana "Paxtakor" ishtirokidagi o'yinga qo'yilmasa degan xayolga bordik. Lekin ko'p o'tmay barchasi malum bo'ldi. Gap shundaki, Ravshan Ermatov brigadasi bugun Osiyo chempionlar ligasidan o'rin olgan "Al Hilol" - "Al Rayan" bahsini boshqaradi. Saudiya Arabistonida bo'lib o'tadigan uchrashuv bizning vaqt bilan 22:15da boshlanadi va "Sport" telekanali orqali to'g'ridan-to'g'ri namoyish etiladi.

Ermatov bugungi o'yinni o'tkazib ertaga yurtimizga qaytib keladi va 8 mart kuni bo'ladigan "Qizilqum" - "Qo'qon-1912" bahsida hakamlik qiladi. Keyin esa o'yindan ertasigayoq  9 mart kuni Dubayga uchib ketadi. Negaki shu kuni jahon chempionati o'yinlarini boshqarishi kutilayotgan hakamlar Dubayda jam bo'lib imtihon topshirishadi. "Bunyodkor" - "Paxtakor" bahsi 10 mart kuni o'tkazilishini hisobga olsak, tabiiyki Ermatov bu payt Toshkentda bo'lmaydi. SHu bois PFL Hakamlar qo'mitasi uni Navoiyda kechadigan o'yinga bosh hakam etib tayinladi.

X.Xoliqov.