Erkin Boydullaev: "Al Jayish" bor etiborini OCHLga qaratgan"

- "Al Jayish" yaxshi shakllangan jamoa hisoblanadi. Ular ayni paytda bor etiborlarini Osiyo chempionlar ligasiga qaratishgan. O'tgan hafta ular milliy chempionat doirasidagi uchrashuvda o'zlarining ikkinchi takriblarini tushirib, etakchi futbolchilariga biz bilan o'yin oldidan dam berishgan. Uchrashuv albatta qiyin kechadi. Biz har bir o'yinga bitta maqsad bilan maydonga tushamiz. Faqat g'alaba va uch ochkoni qo'lga kiritish. Muhimi omad biz tomonda bo'lsa bo'lgani. Uzoqdan zarba yo'llashni ko'paytirish lozim? Imkoniyat tug'ilsa albatta darvozani "o'qqa" tutamiz. Kim yoki qanday gol urish muhim emas, asosiysi g'alabani qo'lga kiritish. "Nasaf" raqib kim bo'lishidan qatiy nazar faqat g'alabani ko'zlaydi. SHu bois Qatardan uch ochkoni qo'lga kiritib ortga qaytishni o'ylayapmiz. Uchrashuv muxlislar uchun qiziqarli bo'lishi aniq. O'ylaymanki, o'z muxlislarimizni xursand etamiz.