Emeri: "Sevilya" va "Dnepr"ning imkoniyatlari teng"

"Uchrashuvning natijasi haqqoniy bo'lmadi. Menga "Fiorentina"ning ikkala uchrashuvdagi o'yini yoqdi. Bu bahs uchun raqibga va o'yindan so'ng bizga qarsak chalgan muxlislarga minnatdorchilik bildirmoqchiman. Ular "Sevilya" munosib ravishda finalga chiqqanini tan olishdi. Yirik hisobga qaramay, raqibda gol urish uchun juda ko'p imkoniyatlar bo'ldi.

"Dnepr" "Napoli"ni turnirdan chiqarib yubordi, demak ular kuchli raqib. Biz finalda etakchimiz deyishni istamayman, chunki imkoniyatlar teng. Jamoamiz doimo g'alaba uchun maydonga tushadi. Bu turnir biz va muxlislarimiz uchun juda muhim. "Sevilya" yana Evropa ligasi finaliga chiqish uchun oson yo'lni bosib o'tmadi" - deydi Emeri.