Ektor Kuper ishtirokida matbuot anjumani bo'lib o'tadi
24 avg 2019 15:48
Yangiliklar

Ektor Kuper ishtirokida matbuot anjumani bo'lib o'tadi

Teglar : Ektor Kuper

Xabaringiz bor, sentyabr oyida Jahon chempionati-2022 ikkinchi saralash bosqichi uchrashuvlari start oladi.

O'zbekiston milliy terma jamoasi ikkinchi saralash bosqichining “D” guruhidan o'rin olgan. Guruhda terma jamoamizga Saudiya Arabistoni, Falastin, Yaman hamda Singapur termalari raqiblik qiladi.

Ektor Kuper boshchiligidagi O'zbekiston milliy terma jamoasi ilk o'yinini safarda Falastinga qarshi o'tkazadi. Mazkur uchrashuvga tayyorgarlik doirasida 28 avgust sanasidan boshlab poytaxtimizda yig'inga kirishiladi.

Oldinda bizni juda masuliyatli uchrashuvlar kutib turgani, bosh jamoamiz esa dastlabki uchrashuvini safarda o'tkazishini inobatga olgan holda boshlanajak yig'in oldidan O'zbekiston milliy terma jamoasi bosh murabbiyi Ektor Kuper ishtirokida OAV vakillari uchun matbuot anjumani tashkil etiladi.

Matbuot anjumani 27 avgust kuni soat 10:45da O'FA matbuot anjumanlari zalida bo'lib o'tadi. Unga barcha turdagi OAV vakillarini taklif etamiz.

Havola :

Manba : ufa.uz

Yangiliklarni Telegramda o'qing!

Reyting: +24