Edgar Gess: "Vazifalarimizdan biri oliy ligani tark etmaslik"

- Bugun har ikkala jamoaga ham rahmat aytaman. Ular qo'ldan kelgancha ohirigacha kurashishdi. Ancha kuch sarf qilishdi. Maydonni egallagan suv har ikkala jamoaga o'z o'yinlarini ko'rsatishga jiddiy tasir o'tkazdi..

- Bugun siz shogirdlaringizga uqtirgan taktika o'zini oqladimi?
- Biz “So'g'diyona” jamoasining oldingi turlardagi o'yinlari ko'rib, o'rganib tahlil qilib chiqdik. Raqib bizga qanday qarshilik ko'rsatishlarini sezib bo'lgandik. Tezkor hujumlar va havodan to'p oshirishlar amalga oshirilishini taxmin qilgandik..

- Ushbu mavsumda “Buxoro”jamoasi oldiga aniq maqsad qo'yilganmi?
- Jamoamizning asosiy maqsadlaridan biri – chiroyli futbol namoyish etish. Bugun etibor bergan bo'lsangiz maydonda uch nafar yosh futbolchilar harakat qilishdi. Biz shu kabi yosh iqtidor egalarini asosiy tarkibga taklif etib, malakasini oshirib borishga harakat qilamiz. Yana bir vazifamiz – albatta oliy ligani tark etmaslik.