Edgar Gess: "Keyin berilgan mablag'ning foydasi kam bo'ladi"

- “Metallurg”ni ajoyib g'alaba bilan tabriklayman. Bugun biz o'yinning bunday tus olishini aslo kutmagandik. “Metallurg” bir necha mavsumlardan buyon shakllanib kelayotgan, mamlakatimizning kuchli klublaridan biri. Bizda esa afsuski mavsumga puxta tayyorlanish imkoniyati bo'lmadi. Tarkibimizga nazar tashlang, o'tgan yilgi tarkibda kimlar qolgan? Ikki uch nafar o'yinchini topa olasiz, qolganlarning barisi yangi. Ularning esa o'yinini shakllantirib olishimiz uchun vaqt kerak. Asqaraliev, Otaxonovlarning o'rni bilindi. Ammo futbol bir ikki o'yinchiga qarab qolishi mumkin emas.

Moddiy qiyinchiliklar xalaqit berayapti deysizmi? Unday emas. mablag' o'z vaqtida berilishi kerak. Biz mavsumga tayyorlanayotganimizda yangi o'yinchilarni xarid etishimiz, jamoani shakllantirib olishimiz uchun kerak edi. Keyin berilgan mablag'ning esa foydasi kam bo'ladi. Hali vaqt bor. Ikkinchi davraga tayyorgarlik ko'ramiz. Tanaffus paytida tarkibni kuchaytirish harakatini qilamiz. Bugungi mag'lubiyatni tezroq unutib, keyingi turlarga hozirlanishimiz zarur. Uchrashuvni to'liq ko'rib chiqamiz, kamchiliklarimizni tahlil etamiz va ularni bartaraf etish choralarini ishlab chiqamiz”.