ECHL, 1/8 final. "Real" - "SHalke", "Portu" - "Bazel"

Madridning "Real" jamoasi "Santyago Bernabeu"da Germaniyaning "SHalke" klubini qabul qiladi. Bu jamoalarning dastlabki Gelzerkirxenda kechgan bellashuvida "qaymoq ranglilar" 2:0 hisobida g'alabani tantana qilishgandi. Javob bellashuvi oldidan Karlo Anchelotti jamoasida imkoniyat ancha yaxshi. Roberto Di Matteo boshqaruvidagi "SHalke"ning bu to'qnashuvdagi imkoniyatlari birinchi uchrashuvdan so'ng keskin pasayib ketgandi.



Biroq "SHalke" futbolchilari javob o'yini oldidan ortiqcha bosimdan holi bo'lishgan va Madridda o'tadigan bahsda jamoa yaxshi natijaga erishish uchun qo'lidan kelgan barcha ishni amalga oshirishga harakat qilishi tabiiy. "Real" jamoasi so'nggi o'yinlarni ko'ngildagidek o'tkaza olmayapti. Madridliklar chempionat doirasidagi "Vilyarreal" hamda "Atletik" bilan bo'lgan o'yinlarda ko'ngildagidek o'ynay olishmadi va o'z muxlislarini ranjitishdi. "SHalke" esa "Real"ga qarshi bellashuv oldidan o'z chempionatida g'alaba qozondi va jamoaning kayfiyati yaxshi.



"Real" bu to'qnashuvda so'zsiz favorit va birinchi o'yindagi ustunlikni "Santyago Bernabeu"da bo'ladigan uchrashuvda yo'qqa chiqarib yuborishi juda qiyin masala. Nima bo'lgan taqdirda ham bu futbol va futbolda katta sensaciyalar ham uchrab turadi. Roberto Di Matteo shoigrdlari bugun aynan o'sha sensaciyasi qayd etish uchun maydonga tushishadi. Karlo Anchelotti jamoasi esa o'z muxlislariga chiroyli g'alaba va chorak final chiptasini taqdim etish maqsadida maydonga tushishadi.



Kunning ikkinchi to'qnashuvi Portugaliyada o'tkaziladi. "Portu" jamoasi SHveycariyaning "Bazel" klubi bilan chorak final masalasini hal etish uchun saf tortadi. Bu jamoalarning dastlabki uchrashuvida 1:1 hisobidagi durang natijasi qayd etilgan edi. Mehmonda urilgan gol portugaliyaliklarga qo'l kelishi mumkin va ularni bugun nursiz durang ham qanotlantiradi. Lekin "Bazel" klubi hujumkorlikni yoqtiradigan jamoalar sirasiga kiradi. Ushbu to'qnashuvda hali hech narsa hal bo'lgani yo'q va bugungi bellashuv har ikkala jamoa uchun ham finalga teng bahs bo'lishi aniq. O'rtada chorak final chiptasi qo'yilgan. "Dragau"da bo'ladigan bahs muxlislarni 90 yoki 120 daqiqa davomida katta hayajonda ushlab turishi mumkin. Deyarli teng kuchli jamoalar o'rtasidagi bahs muxlislarga chiroyli bahsni taqdim etishi aniq.



"Real" - "SHalke"
10 mart. Madrid. "Santyago Bernabeu" stadioni.
Hakam - Damir Skomina (Sloveniya).

"Portu" - "Bazel"
10 mart. Portu. "Dragau" stadioni.
Hakam - Yunas Eriksson (SHveciya).


SHahboz Beg'amov