Dunyoning eng qimmat futbolchilari o'nligida "Real"dan hech kim yo'q

Unga ko'ra, PSJ hujumchisi Kilian Mbappe 200 million evro baholangan holda ro'yxatni boshqarmoqda. Ikkinchi pog'onadan biryo'la ikki futbolchi, yani PSJ azosi Neymar hamda "Barselona" hujumchisi Lionel Messi o'rin olgan. Mazkur futbolchilarning transfer qiymati 180 million evroni tashkil etadi. To'rtinchi pog'onadan to'qqizinchi o'ringacha Muhammad Saloh, Garri Keyn, Antuan Grizmann, Kevin De Bryuyne, Felipe Koutino, Eden Azar kabi futbolchilar o'rin olgan. Mazkur futbolchilarning transfer qiymati bir xil ravishda 150 million evro etib belgilangan. Ro'yxatdagi o'nlikni "Manchester Siti" vingeri Raxim Sterling yopib turibdi. Angliya terma jamoasi futbolchisining transfer narxi 120 million evro baholangan.