Dragan Skochich: "Terma jamoada "qora ro'yxat" yo'q"
13 may 2020 13:08
Yangiliklar
![](https://championat.asia/upload/storage/566188_original.jpg)
![](/upload/storage/566188_220.jpg)
Dragan Skochich: "Terma jamoada "qora ro'yxat" yo'q"
JCH-2022 saralash bosqichidan o'rin olgan navbatdagi to'rt o'yinni Eron Gonkong, Kambodja, Bahrayn va Iroqqa qarshi o'tkazadi. Guruhdagi vaziyatdan kelib chiqib forslar barcha uchrashuvlarda g'alaba qozonishlari shart.
"Men faqat eng kuchli futbolchilarni terma jamoaga chaqiraman, qo'limda hech qanday "qora ro'yxat" yo'q, - deydi eronliklar ustozi Dragan Skochich. - Qachon hukumat ruxsat berib mashg'ulotlar boshlanadigan bo'lsa, eng yaxshi o'yinchilar safimizda bo'ladi".
Eron terma jamoasi Karlush Keyrush tanlagan himoyaviy o'yin ko'rsatadimi yoki Mark Vilmots maqullagan hujumkor uslubmi?
Bu savolga javob berar ekan xorvatiyalik murabbiy shunday dedi: "Terma jamoaning o'z o'yin uslubi bo'ladi. Biz turli yo'nalishlarda o'ynab ko'ramiz, Sizga hozircha shuni aytishim mumkin, men himoyaviy futbolni tanlamayman. Matbuot men haqimda turli gaplarni yozyapti. Emishki o'rnimga Andrea Stramachchioni bilan Gabriel Kalderon nomzodi ko'rib chiqilayotgan ekan. Lekin men bu gaplarga etibor bermayman. Mana ko'rasiz, hali o'yinlar boshlansin biz o'z maqsadimizga erishamiz".
O’xshash yangiliklar
![AMP Logo](https://championat.asia/image/logo-amp.png)
Fikrlar