“Do'ppi-2014”. Yilning eng yaxshi murabbiyi – Samvel Babayan, eng yaxshi futbolchi – Odil Ahmedov
30 dek 2014 12:46
Yangiliklar

“Do'ppi-2014”. Yilning eng yaxshi murabbiyi – Samvel Babayan, eng yaxshi futbolchi – Odil Ahmedov

Har bir mamlakatda yil so'nggida eng yaxshilarni aniqlash urf bo'lgan. Ilk marotaba O'zbekiston futbolida Do'ppi sovrinini joriy etdik.

Futbol Ekspress gazetasi bilan hamkorlikda boshlagan qo'shma loyihamiz yillar davomida o'zbek futbolida o'z o'rniga ega bo'lishiga ishonamiz. O'z paytida, jahonning kuchli nashrlari tomonidan yo'lga qo'yilgan tanlovlar ham avvaliga kichik doirada qabul qilingan, yillar o'tib esa ularning nufuzi oltin to'p darajasiga etdi.

Nima uchun sovringa “Do'ppi” deb nom berdik? Do'ppi avvalo O'zbekistonning milliy bosh kiyimi, qolaversa, aksariyat viloyatlarda to'pni Do'ppi deb atashadi. SHu ikki jihatni inobatga olgan holda, sovringa milliy ko'rinishda nom berdik.”Do'ppi” sovrinini bevosita o'zbek futboliga daxldor bo'lgan futbolchi va murabbiylar qo'lga kiritishi mumkin. Ovoz berish jarayonida faqat va faqat mutaxassislar ishtirok etadilar. Boisi, aynan ulargina futbolga eng real bahoni bera olishlari mumkin. Oliy va birinchi liga jamoalarining bosh murabbiylari hamda sardorlari o'rtasida o'tkazilinadigan ovoz berish jarayonidan so'ng, eng ko'p birinchi o'rin uchun ovoz yiqqan murabbiy va futbolchi yakunda g'olib deb topiladi.

Murabbiy va futbolchilar ixtiyoriga mutaxassislar tomonidan tanlab olingan besh nafar futbolchi va murabbiyning nomzodi taqdim etiladi. Unga ko'ra joriy mavsum quyidagi mutaxassis va futbolchilar saralab olindi:

Murabbiylar:
1. Vadim Abramov – Lokomotiv
2. Sergey Lushan – Bunyodkor
3. Samvel Babayan – Paxtakor
4. Ravshan Haydarov – O'zbekiston yoshlar terma jamoasi
5. Ro'ziqul Berdiev – Nasaf

Futbolchilar:
1. Odil Ahmedov – Krasnodar (Rossiya)
2. Vitaliy Denisov – Lokomotiv (Rossiya)
3. Jamshid Iskanderov – Paxtakor
4. Sardor Rashidov – Bunyodkor
5. Artur Gevorkyan – Nasaf

Nomzodlarni tanlashda, ularning joriy mavsumda erishgan yutuqlari va mehnatlari inobatga olindi.

Samvel Babayan hech kim kutmagan joyda jamoasini chempionlik sari etaklay oldi. Vadim Abramov chempionatda ikkinchi o'rinni olish bilar birga, ilk marta Lokomotivning O'zbekiston Kubogida zafar quchishida katta rol o'ynadi. Hech kim joriy mavsum Nasafni medallardan birini qo'lga kiritishini kutmagan bir vaziyatda, Nasaf ikki o'yin natijasiga ko'ra Bunyodkorni ortda qoldirib, uchinchi o'rinni qo'lga kiritdi. Sergey Lushan esa jamoasini qo'rqmay yoshartirib yubordi va Kubok finaliga qadar etib bordi. Ravshan Haydarov bo'lsa yoshlarimizni Yangi Zelandiyada bo'lib o'tadigan jahon chempionatiga olib chiqdi.

Murabbiylardan farqli ravishda futbolchilarni saralash qiyinroq kechdi. SHunday bo'lsa-da, 2014 yilni avvalgi mavsumlardan ko'ra bir kalla ustun o'tkazgan Odil Ahmedov birinchilardan bo'lib nomzodlar ichidan joy oldi. Undan keyin Vitaliy Denisov. Vitya Lokomotivda avvalgi mavsumdagi o'yini shunchaki tasodif emasligini isbotlay oldi. SHubhasiz, ular qatoridan Jamshid Iskanderov va Sardor Rashidov joy olmasalar adolatsizlik bo'lardi. Bu ikki futbolchi 2014 yilgi oliy liga bahslarini bezab turdilar. So'nggi nomzod Nasaf va O'zbekistonning eng yaxshi legioneri Artur Gevorkyan. CHempionat to'purari bo'lgan yarim himoyachiga bu to'rt futbolchini ortda qoldirishi qiyin bo'lsa-da, nomzodlar qatoridan o'rin olishining o'ziyoq bitta yutuq deb aytsak bo'ladi.

Ovoz berish jarayoni ancha qiziqarli kechdi. Oliy liga jamoalarining aksariyat bosh murabbiylari Samvel Babayan va Ro'ziqul Berdievga ovoz berdilar. Futbolchilar ichida esa Odil Ahmedov hamda Jamshid Iskanderov o'rtasida kurash kechdi. Yakunda Paxtakor menedjeri 30ta ovoz bilan ilk marotaba o'tkazgan tanlovimizda birinchilikni qo'lga kiritdi. Undan keyingi o'rin Ro'ziqul Berdievga nasib etdi. Paxtakor va Bunyodkor jamoalariga qarshi o'yinlarda chempionlik unvonini berib qo'ygan Vadim Abramov, garchand O'zbekiston Kubogida zafar quchgan bo'lsada, mutaxassislar o'rtasida o'tkazilgan so'rovnomaning to'rtinchi pog'onasidan joy oldi.
Murabbiylardan farqli ravishda futbolchilar o'rtasidagi farq katta bo'lmadi. Odil Ahmedov o'zining sevimli raqamiga mos tarzda, 25 ochko ishladi. Undan keyingi o'rinni Jamshid Iskanderov qo'lga kiritdi. U bor yo'g'i 6 ochkoga Krasnodar futbolchisidan ortda qoldi. Rashidov esa kuchli uchlikni yakunlab berdi. Gevorkyan va Denisov hisobida, bir xil – 5 ochko mavjud.

Etiboringizga mutaxassislar o'rtasida kechgan so'rovnoma yakunlarini taqdim etamiz:

YILNING ENG YAXSHI MURABBIYI
#	Murabbiy	Klub	Ovoz
1	Samvel Babayan	Paxtakor	30
2	Ro'ziqul Berdiev	Nasaf	13
3	Sergey Lushan	Bunyodkor	8
4	Vadim Abramov	Lokomotiv	6
5	Ravshan Haydarov	O'zbekiston yoshlar terma jamoasi	3
YILNING ENG YAXSHI FUTBOLCHISI
1	Odil Ahmedov	Krasnodar (Rossiya)	25
2	Jamshid Iskanderov	Paxtakor	19
3	Sardor Rashidov	Bunyodkor	6
4	Vitaliy Denisov	Lokomotiv (Rossiya)	5
5	Artur Gevorkyan	Nasaf	5

KIM, KIMGA OVOZ BERDI?
FIO	Klub	Murabbiy	Futbolchi
Samvel Babayan	Paxtakor	Ravshan Haydarov	Odil Ahmedov
Kaxi Maxaradze	Paxtakor	Ravshan Haydarov	Odil Ahmedov
Vadim Abramov	Lokomotiv	Ro'ziqul Berdiev	Odil Ahmedov
Islom To'xtaxo'jaev	Lokomotiv	Vadim Abramov	Vitaliy Denisov
Ro'ziqul Berdiev	Nasaf	Samvel Babayan	Artur Gevorkyan
Artur Gevorkyan	Nasaf	Ro'ziqul Berdiev	Odil Ahmedov
Sergey Lushan	Bunyodkor	Ravshan Haydarov	Sardor Rashidov
Xayrulla Karimov	Bunyodkor	Sergey Lushan	Odil Ahmedov
Aleksandr Xomyakov	Mashal	Ro'ziqul Berdiev	Artur Gevorkyan
Dilyaver Vaniev	Mashal	Samvel Babayan	Odil Ahmedov
Igor SHkvirin	Olmaliq	Samvel Babayan	Vitaliy Denisov
Doston Abdurahmonov	Olmaliq	Sergey Lushan	Vitaliy Denisov
Baxtiyor Ashurmatov	Navbahor	Ro'ziqul Berdiev	Odil Ahmedov
Dilshod Jabborov	Navbahor	Samvel Babayan	Odil Ahmedov
Murod Ismoilov	Neftchi	Samvel Babayan	Jamshid Iskanderov
Akmal Xolmatov	Neftchi	Ro'ziqul Berdiev	Odil Ahmedov
Rustam Mirsodiqov	Metallurg	Samvel Babayan	Odil Ahmedov
Hikmat Hoshimov	Metallurg	Samvel Babayan	Odil Ahmedov
Tachmurod Agamurodov	Dinamo	Samvel Babayan	Odil Ahmedov
Asror Aliqulov	Dinamo	Samvel Babayan	Jamshid Iskanderov
Yuriy Lukin	Qizilqum	Samvel Babayan	Artur Gevorkyan
Artyom Makosin	Qizilqum	Samvel Babayan	Artur Gevorkyan
Gennadiy Kochnev	Buxoro	Samvel Babayan	Vitaliy Denisov
Suxrob Berdiev	Buxoro	Ro'ziqul Berdiev	Jamshid Iskanderov
Davron Fayziev	So'g'diyona	Samvel Babayan	Sardor Rashidov
Aleksey Melenchuk	So'g'diyona	Samvel Babayan	Artur Gevorkyan
Edgar Gess	Andijon	Sergey Lushan	Sardor Rashidov
Rasul Rahmonov	Andijon	Samvel Babayan	Odil Ahmedov
BIRINCHI LIGA VAKILLARI
Muxtor Qurbonov	SHo'rtan	Ro'ziqul Berdiev	Odil Ahmedov
SHavkat Nasibullaev	SHo'rtan	Vadim Abramov	Odil Ahmedov
Rustam Abdullaev	Qo'qon-1912	Vadim Abramov	Jamshid Iskanderov
Aziz To'xtaboev	Qo'qon-1912	Vadim Abramov	Odil Ahmedov
Farhod Safarov	Obod	Ro'ziqul Berdiev	Jamshid Iskanderov
Doniyor Hasanov	Obod	Sergey Lushan	Vitaliy Denisov
Furqat Esonboev	Oq-Tepa	Samvel Babayan	Jamshid Iskanderov
Temur Turdiev	Oq-Tepa	Samvel Babayan	Odil Ahmedov
Nozim Mullaoxunov	UzDongJu	Ro'ziqul Berdiev	Odil Ahmedov
Aziz Qayumov	UzDongJu	Samvel Babayan	Odil Ahmedov
Arslon Tolipov	NBU-Osiyo	Samvel Babayan	Jamshid Iskanderov
Abdumajid Toirov	NBU-Osiyo	Samvel Babayan	Jamshid Iskanderov
Dilshod Andaev	Mashal-2	Samvel Babayan	Jamshid Iskanderov
Sardor Abduraimov	Mashal-2	Sergey Lushan	Sardor Rashidov
Nematulla Qutiboev	Orol	Samvel Babayan	Jamshid Iskanderov
Murod Abdumurotov	Orol	Samvel Babayan	Jamshid Iskanderov
Spartak Murtazoev	Zomin	Vadim Abramov	Odil Ahmedov
Umid Abdullaev	Zomin	Sergey Lushan	Jamshid Iskanderov
Kamol Jo'nashev	Istiqlol	Sergey Lushan	Odil Ahmedov
Mamur Sultonov	Istiqlol	Samvel Babayan	Jamshid Iskanderov
Vali Sultonov	Xorazm	Samvel Babayan	Jamshid Iskanderov
Ilyos Xayrov	Xorazm	Samvel Babayan	Jamshid Iskanderov
Nasim SHoimov	Alanga	Ro'ziqul Berdiev	Jamshid Iskanderov
Zuhriddin Kamolov	Alanga	Ro'ziqul Berdiev	Odil Ahmedov
SHavkat Ahmedov	Xotira-79	Samvel Babayan	Jamshid Iskanderov
Temur Sultonov	Xotira-79	Samvel Babayan	Odil Ahmedov
Furqat O'rolov	G'allakor	Vadim Abramov	Jamshid Iskanderov
Zafar Narziqulov	G'allakor	Ro'ziqul Berdiev	Sardor Rashidov
Sayfulla SHaripov	SHerdor	Ro'ziqul Berdiev	Jamshid Iskanderov
Ozod Tursunov	SHerdor	Sergey Lushan	Sardor Rashidov
Ilhom Mo'minjonov	Paxtakor-2	Samvel Babayan	Odil Ahmedov
Javohir Soxibov	Paxtakor-2	Samvel Babayan	Odil Ahmedov