Doniyor Odilov: "Birinchi golimdan xursandman"

- Tabrik uchun rahmat. Bu mening mavsumdagi emas, umuman milliy chempionatimizdagi birinchi golim. SHu bois ham uni jamoadoshlarim bilan ehtirosli ravishda nishonladim. Xursandman. Bugun barcha o'yinchilarimiz murabbiylarning ko'rsatmalariga to'liq amal qilgan holda to'p surishdi. Son jihatidan ustunlikka erishishimiz g'alabamizni biroz engillashtirdi. Ammo, bu holat bo'lmaganida ham biz albatta yutardik. Sababi ishtiyoq, futbolchilardagi tayyorgarlik holati juda yuqori edi. Bevosita kiritgan golimga keladigan bo'lsak, yirik hisobda oldinda borayotganimiz bois cho'chimasdan hujumga qo'shildim. Ajoyib to'p oshirilishi uchun, assistentlik uchun Ergash Ismoilovga minnatdorchilik bildiraman. Bunday qulay vaziyatda gol kiritmaslikning iloji yo'q edi. Muxlislarimizga zavqli onlarni taqdim etganimizdan xursandmiz, deydi Doniyor Odilov.