Diyor Turopov: "Yoshligimda chap qanot himoyachisi bo'lganman"

Bekobodning "Metallurg" jamoasi bilan o'yinda Mirjalol Qosimov shogirdlari 2:1 hisobida g'alaba qozonishdi. O'yin yakunlangach, terma jamoa azosi Diyor Turopov o'z fikrlarini bildirib o'tdi.

- Bugungi raqibimiz kuchli jamoa edi va shunga yarasha tayyorgarlik ko'rgan ekan. O'yin teng kurashlar ostida kechdi, biz ikkinchi bo'limda butunlay boshqa tarkibda o'ynaganimiz uchun tetikroq harakat qildik. G'alaba qozonishimizga ham shu omil sabab bo'ldi deb o'ylayman. Qiyin kechgan bugungi o'yinda g'alaba qozonish uchun hammamiz harakat qildik va buni uddaladik - deya takidlab o'tdi Diyor Turopov.

- Ikkinchi o'yindirki chap qanot himoyasida harakat qilayapsiz? Bu noqulaylik tug'dirmayaptimi?
- Bu borada muammo va noqulaylikni his qilmayapman, yoshligimda aynan chap qanot himoyachisi sifatida o'ynaganman. SHuning uchun ham bu holatda o'zimni yaxshi his etyapman. Murabbiylar qaysi nuqtaga qo'yishsa, o'sha joyda o'ynayman.

Tolibjon Qosimov suhbatlashdi