"Dinamo" to'rt nafar futbolchi bilan xayrlashdi
19 iyu 2021 18:26
Yangiliklar

"Dinamo" to'rt nafar futbolchi bilan xayrlashdi

Mavsumning ikkinchi qismiga puxta tayyorgarlik ko'rayotgan "Dinamo" jamoasi Samarqandda o'quv-mashg'ulot yig'inini o'tkazmoqda.

Yig'in doirasida "Dinamo" jamoasi tarkibida bir qator o'zgarishlar yuz berdi. Klub yozgi transfer oynasida jamoa darvozaboni Dilshod Hamroev, yarimhimoyachi Jamshid Hasanov, hujumchilar Faxriddin Alimov va Mixaylo Udod bilan o'zaro kelishuvga ko'ra amaldagi shartnomani bekor qildi va futbolchilar bilan do'stona xayrlashdi.

Klub rahbariyati va murabbiylar shtabi qaroriga ko'ra, "Dinamo" jamoasi safiga Ro'zimboy Ahmedov taklif etildi. Birinchi davrani "Xorazm"da o'tkazib, 7ta golga mualliflik qilgan 34 yoshli xorazmlik hujumchi bilan mavsum yakuniga qadar kelishuvga erishildi.

Eslatib o'tamiz, Ro'zimboy Ahmedov 2012 yilgi mavsum Oliy ligada "Dinamo" sharafini himoya qilib, 23 o'yinda 11ta golga mualliflik qilgandi.

Havola :

Manba : "Динамо" матбуот хизмати

Yangiliklarni Telegramda o'qing!

Reyting: -1