"Dinamo" o'z tarixida ilk bor "Bunyodkor"ni mag'lub etdi
24 avg 2014 09:26
Yangiliklar

"Dinamo" o'z tarixida ilk bor "Bunyodkor"ni mag'lub etdi

Oliy liganing 17-turida "Bunyodkor" klubi Toshkentda "Dinamo"ni qabul qilib 0:1 hisobida mag'lub bo'ldi.

SHu kunga qadar “Dinamo” ushbu raqib bilan oliy ligada 15 bor to'qnash kelgan va umuman g'alaba qozona olmagandi.

Bundan tashqari raqib maydonidagi 7ta o'yinning barchasida mag'lub bo'lgandi. “Qaldirg'ochlar” Toshkentdagi barcha uchrashuvlarda kamida ikkitadan gol urishgandi.

Kechagi bahsda esa uchala anana ham barham topdi. "Dinamo" o'z tarixida ilk bor "Bunyodkor"ni mag'lub etdi. Bundan tashqari "qaldirg'ochlar" o'z maydonlaridagi bahsda birinchi bor ushbu raqib darvozasiga gol ura olmadi.

Eslatib o'tamiz, Azamat Bobojonovning goli "Dinamo"ning ikkinchi davrada urgan dastlabki goli bo'ldi. O'tgan 3ta turda samarqandliklar raqib darvozasiga umuman yo'l topa olishmagandi.

Toshkentda bo'lib o'tgan barcha uchrashuvlar:
23.08.2014 Bunyodkor - Dinamo 0:1
05.10.2013 Bunyodkor - Dinamo 4:1
03.09.2012 Bunyodkor - Dinamo 2:1
24.09.2011 Bunyodkor - Dinamo 2:0
06.05.2010 Bunyodkor - Dinamo 2:1
09.11.2009 Bunyodkor - Dinamo 2:0
18.04.2008 Bunyodkor - Dinamo 4:0
20.10.2007 Bunyodkor - Dinamo 2:1

Havola :

Manba : championat.asia

Yangiliklarni Telegramda o'qing!

Reyting: