Dinamo Buxoro bilan durang o'ynadi

Bu safar Davron Fayziev shogirdlari Baxtiyor Ashurmatov qo'l ostidagi “Buxoro” klubiga qarshi maydonga tushishdi. Uchrashuvda ikki tomon ham bir qator futbolchilarni sinovdan o'tkazdi.

O'yinni hujumkor boshlagan Samarqand jamoasi vakillari 14-daqiqada hisobni ochishdi. Himoyachi Hakimxon Alamxonovning bosh bilan yo'llagan zarbasi Samarqanddan Qibrayga etib kelgan muxlislarning olqishiga sabab bo'ldi, 1:0.

Goldan keyin «Buxoro» jamoasi ham hujumkorlikni oshirdi. Natijada 34-daqiqada hozirda “Buxoro” safida to'p surayotgan “Dinamo”ning sobiq futbolchisi Doston Ibragimov muvozanatni tikladi, 1:1.

Ikkinchi bo'limda ikki murabbiy ham bir qator futbolchilarni sinovdan o'tkazishdi. Bahs yakuniga qadar samarqandliklar safidan Otabek Narzullaev, Dilmurod Karimov, Nozim Umurovlarda, buxoroliklar tarkibidan Akrom Bahriddinov, Rahmatulla Berdimurodovlarda ham hisobni o'zgartirish imkoniyat bor edi. Tengkurashlar ostida kechgan bahs o'yinga mos natija bilan yakunlandi – 1:1.

«Dinamo» jamoasining Toshkentdagi yig'ini davom etadi.

Nazorat uchrashuvi.

12 fevral (ceshanba). Qibray

“DINAMO” – “BUXORO” – 1:1

Gollar: Hakimxon Alamxonov 14 – Doston Ibragimov 34.

«Dinamo»: SHohruh Eshbo'taev, Akmal Xolmurodov, Hakimxon Alamxonov, Mirkomil Lokaev, Avaz Agaliev, Komil SHarofutdinov, Damir Temirov, Sardor Eminov, Obid Hakimov, Sanjar Barotov, Vohid SHodiev. 

«Dinamo»: (2-bo'lim): Akrom Xo'jaev, Otabek Narzullaev, SHerzod Jalilov, Jasur Urinov, Dilmurod Karimov, Sunnatilla Abdullajonov, Mirzakamol Kamolov, Bobur Qosimov, Temur SHaripov, Qadamboy Nurmetov, Nozim Umurov.

«Buxoro» (1-bo'lim): N.Ashurmatov, A.Kulesha, R.Ochilov, T.SHamsiddinov, J.Ubaydullaev, B.SHodmonov, A.Jo'raev, A.Sobirjonov, D.Ibragimov, M.Muhiddinov, A.To'raev.


“Dinamo”ning 3 va 4-yig'indagi nazorat uchrashuvlarida qayd etgan natijalari:

25 yanvar. Qibray
“Metallurg” – “Dinamo” – 1:0

26 yanvar. Toshkent
“Bunyodkor” – “Dinamo” – 2:1

1 fevral. Navoiy
“Qizilqum” – “Dinamo” – 2:3

2 fevral. Qarshi
“Nasaf” – “Dinamo” – 0:0.

8 fevral. Toshkent.
“Bunyodkor” - “Dinamo” – 1:2

10 fevral. Toshkent.
“Dinamo” – “Qiron”(Qozog'iston) – 0:0
“Dinamo” – “Mashal” – 0:0

12 fevral. Qibray
“Dinamo” – “Buxoro” – 1:1.