Dinamo: Azamat Bobojonov klubni tark etdi
18 iyu 2016 16:59
Yangiliklar
![](https://championat.asia/upload/storage/215771_original.jpg)
![](/upload/storage/215771_220.jpg)
Dinamo: Azamat Bobojonov klubni tark etdi
Ilhom SHaripov boshqaruvidagi jamoa Samarqanddagi ikki kunlik mashg'ulotlardan keyin Urgut tumani tog' yon bag'ridagi Omon-Qo'ton yozgi qarorgohida tayyorgarlikni boshladi. Jamoa tarkibida o'zgarish yuz bergan. 28 yoshli yarimhimoyachi Azamat Bobojonov klubni tark etdi. Futbolchining birinchi davradagi o'yinlari jamoani qoniqtirmagani bois, tomonlarning kelishuviga ko'ra, shartnoma bekor qilindi.
Dinamo jamoasi 21 iyul, payshanba kuni yana Samarqandga qaytib, tayyorgarlik bosqichi doirasida o'rtoqlik uchrashuvida maydonga tushadi. SHu kuni mamlakatimizning kuchli klublaridan biri Qarshining Nasaf jamoasi Samarqandda mehmon bo'ladi. Nazorat o'yini Dinamo stadionida bo'lib o'tadi.
SHuningdek, 25 iyul kuni Oliy Liganing yana bir vakili G'uzorning SHo'rtan klubi bilan ham Samarqandda nazorat bahsi o'tkazilishi rejalashtirilgan. Ushbu nazorat bahslarida ayrim futbolchilarga imkoniyat berilib, jamoa tarkibida navbatdagi o'zgarishlar bo'lishi mumkin.
O’xshash yangiliklar
![AMP Logo](https://championat.asia/image/logo-amp.png)
Fikrlar