Dinamo Akmal Xolmurodov va yana ikki futbolchi bilan shartnoma imzoladi
20 iyu 2018 19:28
Yangiliklar

Dinamo Akmal Xolmurodov va yana ikki futbolchi bilan shartnoma imzoladi

Teglar : Dinamo

18 iyun kunidan O'zbekiston chempionatida futbolchilarni ro'yxatdan o'tkazishga ruxsat berilganidan keyin bir qator jamoalar singari “Dinamo” ham o'z tarkibini kuchaytirishni reja qilgan.

SHu maqsadda, tarkibga bir qator futbolchilar taklif etilishi ko'zlangan. Jumladan, «So'g'diyona» jamoasi sardori Akmal Xolmurodov Jizzax klubi safini tark etgach, «Dinamo» safiga qo'shildi. 29 yoshli himoyachi bugun Samarqand klubi bilan 2019 yil yakunigacha – 1,5 yillik shartnoma imzoladi. Malumot uchun, Akmal Xolmurodov uch mavsum - 2013-2015 yillar davomida “Dinamo” safida to'p surgandi.

SHuningdek, “Dinamo” “Bunyodkor” klubidan 1999 yilda tug'ilgan ikki futbolchi Suhrob Izzatov va Abbos Jumaqulovlarni ijara asosida taklif etdi. Qayd etish joiz, Pro-Liga bahslarida maydonda 1999-2000 yillarda to'p surgan ikki nafar futbolchi to'p surishi majburiy.

Superligaga chiqishni maqsad qilgan “Dinamo” davralar oralig'ida ham selekciya ishlarini davom ettiradi.