Dilxushbek Mo'ydinov: "Jamoamizda tajribali futbolchilarning o'rni muhim"
29 may 2019 21:40
Yangiliklar
![](https://championat.asia/upload/storage/498310_original.jpg)
![](/upload/storage/498310_220.jpg)
Dilxushbek Mo'ydinov: "Jamoamizda tajribali futbolchilarning o'rni muhim"
Bugungi uchrashuvga yaxshi tayyorgarlik ko'rgan edik, qiyin o'yin bo'lishini bilardik, afsuski darvozamiz tomon belgilangan penalti evaziga mag'lub bo'ldik. "Istiqlol" jamoasiga qarshi bo'lgan uchrashuv natijasini darhol unutishimiz shart. Oldinda bizni "SHo'rtan" jamoasiga qarshi qiyin uchrashuv kutib turibdi. Mashg'ulotlarda yanada ko'proq ishlab, keyingi uchrashuvlarga munosib tayyorgarlik ko'rishimiz kerak.
O'tgan turda "Xorazm" jamoasiga yirik hisobda mag'lubiyatga uchradik. Bu mag'lubiyatning sababi sifatida uzoq yo'l bosganimiz tufayli bizda charchoq alomatlari sezganligini ko'rsatish mumkin.
"Iftixor" ahil jamoa. Tarkibimizdagi tajribali futbolchilar Izzatbek G'aniev, Nodirbek Kamolov, G'iyosjon Tursunovlar bizga muntazam o'z tajribalarini o'rgatib kelishmoqda. Jamoamiz murabbiylari bizga har bir uchrashuvdan so'ng xato va kamchiliklarimizni tahlil qilib berishadi, umuman olganda murabbiylarimizdan ko'p narsalarni o'rganmoqdamiz - deydi Dilxushbek Mo'ydinov.
Bekzod Tolibov yozib oldi.
O’xshash yangiliklar
![AMP Logo](https://championat.asia/image/logo-amp.png)
Fikrlar