Dilmurod SHavkatov: “Maqsadimiz – chempionlik”

Mazkur tur davomida jamoa etakchi futbolchisi Dilmurod SHavkatov 6 ta gol urishga muvaffaq bo'ldi. Ortda qolgan tur o'yinlaridan SHavkatov qanchalik qoniqish hosil qildi? Buni u bilan suhbatimiz davomida bilib oldik. 

- Ortda qolgan tur haqida

“Mazkur tur davomida qiyin o'yinlarni o'tkazdik. Nazarimda, 3-tur bu yil hisobidan eng qiyini edi deyish mumkin. “Dinamo”ga qarshi o'yinimiz oson kechgani yo'q. CHunki raqibimiz tarkibida asosan, yoshlar to'p tepadi. Ular bizga etarlicha qarshilik qildi. Maqsadimiz yuqori bo'lgani uchun ham uchta o'yinda g'alaba qozondik. 

- Eng qiyin o'yin borasida

“Birorta o'yin oson kechgani yo'q. “Stroitel-Zarafshon” bilan o'yinda ham qiyinchilikka duch keldik. “Paxtakor” va “Dinamo” ham bundan mustasno emas. Kim bilan o'ynagan bo'lsak, barchasida katta qiyinchiliklarga duch keldik. 

- Maqsadi to'g'risida

“Bu yil to'purarlar ro'yxatidan o'rin olishni maqsad qilganman. Biroq bu mening oliy vazifam emas. Asosiysi, jamoam g'alabasi men uchun birinchi o'rinda turadi. Mening gol urishimdan ko'ra, “Lokomotiv” g'alabasi muhim ahamiyatga ega. 

- “Lokomotiv”ning maqsadi xususida

“Jamoamiz bilan chempionlik uchun kurashmoqdamiz. Maqsadimiz har bir o'yinda muvaffaqiyatga erishish hamda qimmatli ochkolarni jamg'arish hisoblanadi. Yaxshi bilasiz, bu yil chempionlik poygasida bir nechta jamoalar raqobatlashmoqda. Bular orasida “Lokomotiv” ham yuqori o'rinlarni ko'zlagan holda kurashmoqda. O'tgan yili “Paxtakor” bilan chempionlikka erishgandik. Buni “Loko” bilan takrorlash niyatidamiz.