Dik Advokat ishga kirishdi: Iroq Xorvatiya bilan o'ynaydi

Malumki, sentyabr oyidan Osiyo mintaqasida JCH-2022 saralash bahslarining uchinchi raundiga start beriladi. Ikkinchi bosqichdan muvaffaqiyatli o'tgan Iroq terma jamoasini kelasi oyda ikkita muhim o'yin kutmoqda. 

Iroqliklar 2 sentyabr kuni Janubiy Koreya va 7 sentyabrda Eron bilan o'ynashadi. Bu o'yinlarga jiddiy tayyorgarlik ko'rish maqsadida terma jamoa Serbiyada yig'in o'tkazadi va yig'in davomida ikkita o'rtoqlik uchrashuvida maydonga tushadi: Ummon va Xorvatiya termasiga qarshi. 

Xorvatiya 1 sentyabr kuni Rossiya bilan o'ynaydi, shu bois ular ham Iroq bilan o'rtoqlik uchrashuviga rozi bo'lishdi, faqat hozircha tomonlarning qaysi sanada o'yin o'tkazish bo'yicha kelishib olishlari qolgan, xolos. 

Ko'rinib turibdiki, 70 yoshli Advokat eng shimarib ishga kirishdi va mahalliy matbuotga bergan dastlabki intervyusida Iroqni jahon chempionatiga olib chiqish uchun bor kuchini ishga solishni aytib o'tdi.