Dide Desham: “Germaniya har qanday holatda ham Germaniyaligicha qoladi”

Uchranglilar ertaga Millatlar Ligasining guruh bosqich 4-tur uchrashuvida Germaniya terma jamoasini qabul qilishadi. 

“Raqib kuchli. Ha, germaniyaliklar Gollandiyadan qaqshatqich zarbani qabul qilib olishdi. Lekin o'sha o'yinda aynan olmonlar uchrashuvni nazorat qilishdi, katta ustunlikka ega erishishdi. Muammo ana shu vaziyatlarni golga aylantirishda bo'ldi.

Tajribamga suyangan holda shuni aytishim mumkinki, Germaniya terma jamoasi Germaniyaligicha qoladi. Ular ham Franciyaga bu erdan uch ochko olib ketish ilinjida kelishyapti”, - deya amaldagi jahon chempionlarining murabbiyi so'zlaridan iqtibos keltirmoqda L'Equipe nashri.

Malumot uchun, Franciya - Germaniya uchrashuvi ertaga, 16 oktyabr kuni Sen-Denidagi “Stad de Frans” stadionida bo'lib o'tadi. O'yin bizning vaqt bilan soat 23:45da boshlanadi. Bu ikki jamoaning Germaniyada o'tgan ilk o'yinida hisob ochilmagandi.