Denis Korostichenko: "Hakamning qarorlarini muhokama qilmayman. PRO-Ligada "Lokomotiv"dan kuchli jamoa yo'q"
09 okt 2023 18:46
Yangiliklar

Denis Korostichenko: "Hakamning qarorlarini muhokama qilmayman. PRO-Ligada "Lokomotiv"dan kuchli jamoa yo'q"

PRO-Liganing 20-turi doirasida "Mashal" maydonidagi mag'lubiyatdan keyin "Lokomotiv" bosh murabbiyi Denis Korostichenko o'z fikrlarini bildirdi.

"Asror Aliqulovni g'alaba bilan tabriklayman. Uni hurmat qilaman, inson va murabbiy sifatida u menga yaqin inson, yaxshi taniyman. Ushbu mavsum Pro-ligada kuch borasida hech qaysi jamoa "Lokomotiv"dan kuchli emas. Boshqa hech nima deyishni istamayman"

- Bosh hakamning qarorlarini baholay olasizmi?
- Yo'q.

- Bugungi o'yinda jamoaning ko'plab futbolchilari sariq kartochka oldi. "Lokomotiv" nafaqat ochkolar bo'yicha, balki, tartib-intizomda ham yuqori o'rinlarda edi. Bu bugungi o'yin bilan bog'liqmi?
- Savol uchun rahmat. Futbolni tushunadigan inson bugun nimalar bo'lganini bildi. SHu sababli ortiqcha gaplar ham shart emas.