Denis kelasi mavsumda "Barselona"da o'ynaydi

Malumotlarga ko'ra, klublar bu borada kelishuvga erishishdi va Suares 25 may kuni bo'lib o'tadigan "Barselona" va "Sevilya" o'rtasidagi Ispaniya Kubogi final bahsidan so'ng Kataloniya klubi tasarrufida bo'ladi.

Klublar o'rtasidagi kelishuvga ko'ra, agar "Barselona" Suaresni ikki mavsum ichida uchinchi klubga sotsa "Vilyarreal" bu transferdan tushgan pulning bir qismiga ega bo'ladi. "Sariq suvosti kemasi" birinchi mavsumdagi transfer uchun 50%, ikkinchisi uchun 25% mablag'ni qo'lga kiritadi. "Barselona" "Vilyarreal"ga Suares uchun 3 mln. 250 ming evro to'laydi.

Suares joriy mavsumda Ispaniya chempionatining 32 uchrashuvida, 4 ta gol urdi va shuncha golli pas berdi.