Denis CHerishev: “Barselona”ni yutishimiz ham mumkin edi”

“Uchrashuvni o'z foydamizga hal qilishimiz kerak edi. Bunga yaqin ham edik. Tezkor gol bizni ruhlantirib yubordi. Butun o'yin davomida kataloniyalik yulduzlarga qarshi o'yin haroratini his etib turdik. Ularga qarshi munosib o'yin namoyish etganimizdan xursandmiz. 

G'alaba qozonish uchun imkoniyatlarimiz etarlicha bo'ldi. Lekin yuzaga keltirilgan vaziyatlardan unumli foydalana olmadik. Hujum va himoyada sifatli o'yin namoyish qila olganimizdan mamnunmiz. Ammo, bugungi bahs xatolar ustida ishlashimiz kerakligini ko'rsatib berdi”, - deya CHerishevning so'zlaridan iqtibos keltirmoqda Marca nashri.