De Ligt bugun Turinga keladi

Uning "Yuventus"ga o'tishi deyarli hal bo'lgan.

Oldinroq klublar shartnoma borasida kelishuvga erishishgani to'g'risidagi xabarlar yangragandi. Bitim 65 million evroga baholanmoqda va bundan tashqari bonuslar ham yo'q emas.

19 yoshli himoyachi "Ayaks" tarbiyalanuvchisi hisoblanadi. U 2017 yildan buyon Gollandiya terma jamoasida harakat qilib kelmoqda.

Futbolchi yakunlangan mavsum barcha turnirlarda 45ta o'yinda maydonga tushib, 6ta gol va 1ta assistga erishgan.

De Ligt "keksa sinora" bilan 2024 yilgacha bo'lgan shartnomaga imzo chekishi va yiliga 12 million evro maosh olishi kutilmoqda.